السلام عليكم
شباب وأنا أدور في النت شفت موقع يبيع الساعات الماركة والفخمة والغالية الذهب والألماس مثل الرولكس والرادو والموفادو وغيرها وغيرها بسعر خيالي 200 و 300 درهم بس
أنا الصراحة مستغرب ومش إمصدق
ساعات سعرها الأصلي أكثر من 30 ألف يبيعها 300 درهم
شو السالفة هل هذا موقع نصب وإحتيال ول إمسوين تخفيضات ول الساعات تقليد ول شو الموضوع
عموما هذا رابط الموقع وإلي فهم شي يخبرنا
Watches shopping: Omega, Tag Heuer, Baume, Cartier, Longines. Discount Breguet Watches, Vacheron.
أشرايكم كل واحد جرب موقع وأشترى منه ووصلت البضاعة وسعرها أفضل عن أسعار البلاد يحطه علشان يستفيدون من الأعضاء
مرحبا, نصيحه يا اخوان ماحد يشتري ساعات من الانترنت الا من مواقع معروفه ولها سمعه, حتى لو اشتريت من هالموقع وطرشولك الساعه اتحدى تكون اصليه, وكلنا نعرف ان في تقليد درجه ثالثه وتقليد درجه اولى مرات حتى الوكيل يصعب عليه يفرق.
بصراحه ممكن تحصل اسعار احلى بوايد عن اسعارنا هنيي بس مب مثل هالموقع.
من سته سنوات شفت ساعه Tag Hiur فالمارينا مول وعجبتني بس كانت ب 9900 درهم
دورت فالانترنت حصلتها واشتريتها بعد 3 اسابيع وصلت, وديتها عند الوكيل عشان اتأكد انها اصليه عن طريق الرقم المتسلسل, طلعت اصليه وهو ما يعرف من وين انا مشتريها , كنت بروح بس سألني بكم اشتريتها,
قلتله الله يخلي google shopping
اشتريتها 3300 درهم. ثلث السعر !!!
يا اخوان اتحملوا من هالمواقع تراهم نصابين
ويقولك المثل اسأل مجرب ولاتسأل طبيب
مستحييييييييييييييييييل مبين عليهم نصب وحتيال
حذاري من هذا الموقع يا شباب حذاري
واحد من الشباب إشترى من الموقع وهذا ويهك يا الضيف ما طرشوله ولا شي