شو معناة
موفق باذن الله … لك مني اجمل تحية؟؟؟؟؟؟؟؟؟
كثير من الشباب يحطون هذي الجمله واعتقد ان معناها يختلف من واحد للاخر
شو معناتها بالنسبة لك
1- ابي ارفع لك موضوعك وخلاص
2- طااااااااف
3- السعر ماعجبني ومبالغ فيه وافهمها
4- موفق باذن الله …لك مني اجمل تحية
ولا في لها معنى اخر …… اذا في قووول عادي
بالنسبة لي بختار ….. بعدين مب الحين اول بشوف اراء الشباب.
والله بالنسبة لي
اذا كان الريال مبالغ في سعره واااايد واعطيه رقم 3
واذا انا ما ادور الموتر هذا اصلا وما ابغيه ولاني محتاج له بس سعره معقول ومناسب اكتب له رقم 4
اما بالنسبة لشغلة زيادة المشاركات فهذا الشي ما يعنيني وبعدين اذا زادت مشاركاتي شو راح استفيد يعني هل راح اترقى مثلا
وانا اول مره انتبة لشغلة زيادة المشاركات………. بالمناسبة هل هي لها فايده يعني ولا شو بالضبط اذا احد يعرف يخبرنا ومنكم نستفيد مثل ما يقولون
بعدين ما له داعي كل هذا الزعل من بعض الاعضاء
لا والبعض يغلط ويسب والله انه شي غريب انا استغربت بصراحه من ردود البعض بس يبي يسب ويغلط سبحان الله
تحياتي وخلك مزووحي وكووووول
ياخويه أدري تباني أختار واحد من هالأرقام وأنا ما أخترت وبعدها كتب رأييي
بس ماله داعي لكل هالتعقيد كله على شي ما يسوى
روق المنقى ياشييييييخ 
بس أنته لين أحين ماخترت لك رقم وتتريانا
يالله خبرنا أنته أي رقم أخترت وشوو رأيك ؟
شكرا عزيزي على المشاركة وابداء الراي
بالنسبة بان الموضوع مكرر من سنة انا والله ما ادري ولا شفت الموضوع هذا………
وهذا يمين الله بيحاسبني عليه
وانا صحيح ما اعرف شوفي نية الناس بس انا قلت في ناس تقصد التوفيق وفي ناس تقصد شي ثاني
بعدين ارجو قراءة الموضوع مره اخرى والتمعن في المعنى اكثر
تحياتي للجميع
يا جماعة الخير شوي شوي على الريال .اللي يقرا الموضوع مرة ومرتين بيفهم شو قصد الريال..ما اعتقد انه يحارب الكلمة الطيبة او له نية سيئة . وانا تابعت مواضيعه وشفت انه عادية مثله مثل اي عضو في المنتدى له الحرية بالنقاش وطرح الاراء
وعلى فكرة ترا شي اعضاء وايدين يكتبون مثل هاي الردود ( بالتوفيق ) واكيد كل واحد ونيته.
البعض فقط يبغي يزيد مشاركاته .
يعني تلقى واحد كاتب ( وين ممكن احصل تلفون آيفون ) تشوف حد رد عليه كتب ” بالتوفيق “
والثاني يكتب يا جماعة الرادار في الشارع الفلاني كم يزخ ؟ ونشوف واحد رد عليه . بالتوفيج اخويه . !!!؟
الكلمة الطيبة زينة ودعائك لأخيك في ظهر القلب ايضاً أفضل ..
عموماً اخواني لا تتهجمون على الريال لأنه ايضاً وضّح مقصده . وكل واحد يحاسب على نواياه . ونحن علينا بالظاهر . يمكن صار سوء فهم للموضوع .
وفي الأخير .
موفق بإذن الله … لك مني أجمل تحية .
(( القصد عاد . توفيق من الخاطر )) مش زيادة مشاركات
حبيبي بوجسيم ماعرفنالك شو الي تبا توصله!
أولا أنته فاتح موضوع مكرر (تقريبا قبل سنه ونص أو سنتين) في واحد قبلك فتحه
وبعيد انته فتحت موضوع عن “” موفق باذن الله … لك مني اجمل تحية””
والحين فتحت موضوع ثاني “”كيف حالك أنت؟””
ياخي موفق باذن الله … لك مني اجمل تحية كمله طيبه وماشوف في أي كلمه غلط.
وأنته ماتعرف شو في نيه أي واحد أهني يوم يقولها لك أو لغيرك
ماله داعي تعقد السالفة ياخويه -_-
عزيزي jassem3333 بخصوص الموضوع مكرر … تبا تزيد مشاركاتك……. مثلا