موضوع مفيــــد جــدا لكل من يستخــــدم ls430 و فيها ميـــــزة الــــــــــرادار

انا عندي لكسز LS430 فل ألترا

و كنت اعاني من مشكلة تثبيت السرعه لأن فيها كاميرا الرادار اللي جدام

و كل ما تصف قدامي سياره خفت السرعه .. و كنت متبهدل من هالناحيه

و الموضوع الثاني ان السياره ما تثبت أكثر من 86 ميل ..

و ما خليت حد الا و سألته اذا حد بيقدر يفيدني في الموضوع هذا لأني صدق كرهت هالميزه اللي فيها

كنت ابا ارجعها حالها حال العاديه لا رادار ولا خرابيط .. ما خليت لا كراج ولا كهربائي الا و رحت له

مااااا حصلت حد يفيدني ..

لكن في النهايه و من موقع اجنبي اكتشفت ان السياره تقدر تحولها عااااااادي حالها حال اي سياره بدون رادار !!

و الموضوع و ما فيه كله شي بسيط ..

تظغط على الزر مال تثبيت السرعه ..

بيطلع لك كلمة RADAR READY

بعدها ادفع عمود تثبيت السرعه للأمام و خلك مثبت لمدة 3 ثواني ..

بتختفي كلمة RADAR READY

و بعدها ثبت السرعه اللي تبغيها بدون رادار و بدون خرابيط و بدون ما يدور واحد قدامك و يلعوزك ..

و فعلا من بعدها ارتحت ..