مواطن من ذهب…!!!!!!!!

19 thoughts on “مواطن من ذهب…!!!!!!!!”

1. انا الحمدلله قدمت له التعازي ونعيته في الصحف الله يصبره وكل من هو مثله

   العالم العربي فاشل بكل المقايسس وبيئه محبطه

   ونحن في الامارات بس للاسف مانشوف غير المبالغه في الصحف من المسؤولين سوينا ووعملنا ودربنا وساعدنا لكن الواقع يقول شي ثاني

   اي واحد يدق عود او اي وحده رقاصه او لاعب كره كل الشركات بتبناه وبتتسابق عليه ولكم في المطربين واللاعبين اكبر

   الامثله ناس فاشلين اخلاقيه ودينا يستلمون رواتب خياليه غير الدعم والشهره وهذا المسكين والله يكسر الخاطر

   ربي عطاه موهبه المفروض هو ومن هم على شاكلته الي يتلقون الدعم وتتسابق عليهم الشركات

   مانقول غير حسبنا الله ونعم الوكيل والله يعينكم

2. في البداية

   الله يعطيج العافية اختي ظبيانية وبس

   على الموضوع الرائع والعنوان الاروع

   ثانيا

   اختي في كل مكان فيه فرص

   بس الواحد لازم ما يعتمد ان الحكومة تسانده في كل شي

   يعني هالشخص اذا كان واثق من نفسه واختراعاته ياخذ قرض من البنك ويبدأ صناعة جديدة

   او يدور ناس يمولونه او شركات

   اما اذا بنعتمد انه الحكومة لازم تساندنا ولازم تعطينا

   فلازم نتحمل التاخير البهذلة وحتى النسيان انتهاء الحلم

   بس في نفس الوقت ما اقول ان كل شي متوفر للمواطن عشان يفرز ابداعاته

   والجهات الراعية للافكار الشابة بعدها ما وصلت لدرجة عالية من الاحترافية

   ولكل مجتهد نصيب

3. 
   هلا اختي ظبيانية ..

   اللي في باله يوصل بيوصل لو شو صار لازم يكون عنده عزيمة

   مثلا أديسون حاول 9999 مرة لين وصل للاختراع اللي نور الدنيا كلها

   المشكلة هي ان بيئتنا العربية بيئة غير حاضنة للمبدعين والمخترعين

   ابسط مثال اخوي العود كان يدرس في اوكلاهوما وقدم لهم اختراعين وعطوه براءة الاختراع او ما يا هني عرض اخترعاته هنيه ما لقى حد عقب خمس او 7 سنوات سمعنا ان تعاقدوا ما شركة اجنبية عسب اتسويلهم نفس الجهاز والفكرة (بدون ذكر الجهات)

   هناك ينبهرون بأي فكرة وأي ابداع واختراع وحتى بالشخصيات الايجابية وهني no body will care الا اذا انتي تعرفين some body !

   بس ما يمنع ابدا ان الانسان يثابر وما ييأس لان مجتمعنا محتاااج وايد وفي الف شي وشي ممكن نبتكر فيه ونبدع فيه وننجح فيه شرط يكون في اصرار وتحدي لأي عقبات

   وتسلمين على هالcatch ماشالله عليج قوية ملاحظة

4. مسكين يا مواطن تعبت عمرك درست وتعلمت واخترعت بعد !! كان الاحسن لو خلصت الثانويه ورحت الجيش…

5. حرام والله عنده كل هالشهادات والخبرات وما حد مسوله سالفة
   الأجانب معززين في بلادنا والمواطن ما محصل شغل يصرف على نفسه
   الشركات مليانة أجانب في مراكز مرموقة ورواتبهم عالية واغلبهم بشهادات مزورة ويسرحون ويمرحون على كيفهم والمواطن يتحاسب حتى على الهواء اللي يتنفسه

   صدق دنيا غريبة

Comments are closed.