معروف أن كل من يجلس على الإنترنت له (خصم) أو (خصوم) أو (معارض سياسي على جلسته على النت) ..

المتزوجين أكثرهم زوجته أو طفله أو أو ..

والبعض أمه .. تقول له : الانترنت اعماك ياولد ..

والبعض صديقه ..
عني أنا .. صديق لي كل ما يكلمني أقول له على النت يحاربني ويحاول يقنعني .. ويقول : والله لاخرب النت ..

مسكين .. مايدري وش النت ..

همه شغلة الاسهم..

ولا تقابلنا أنا وياه .. مانطلع

من خصمك أنت أيها القارئ الكريم ؟؟

24 thoughts on “من هو أكثر المحاربين لك (في جلستك على النت)؟ أمك .. أبوك .. زوجتك .. عضو في المنتدى.”

  1. صدق الأطفال مشاكل … مره كان ولدي يبا يطلع من البيت شو سوا الحبيب

    كان عند الابتوب كوب حليب

    وأنا في الأساس رايح اتلبس عشان نطلع يوم رجعت بسوي تسجيل الخروج

    شفت جريمه حصلت الحبيب جب كوب الحليب ع الابتوووب

  2. السلام عليكم ورحمة الله وبركاته

    بنتي روضة الله يحفظها كشكوش

    على طول اتحط صبعها على زر التشغيل تبند الاب توب وتشرد

    شو السالفة هالـ روضات لووول ..
    انا بعد اختي الصغنونة روضة من أشغل الابتوب و اروح .. ارد ألقى الحبيبه يالسه

    ويوم تشوفني تيي تييلس عندي .. ولو فتحت ع صور بنات أطفال أو تشوف صوّر رمزية
    كله تسألني من هاذي ؟؟ من اسمها ؟؟ من امها ؟؟
    عاد انا شوي و أشد شعرها .. لأنه اسئلتها ماتخلص ..

    هاذي الشيخة ..

    والحينه اخوها الصغنون شرّف ..
    موته و حياته الكيبورد .. يطلع الفصوص ..
    الله يصبرنا عليهم ..

    ربي يحفظهم و يحفظكم
    و مشكورين ع الموضوع المهضوم =)

    __________________

  3. ردود جميله
    ويعطيكم العاقيه عليها
    ويا رب يخليلكم المزعجين “الي ازعاجهم حلو طبعا”

    انا محاربي كثره اشغالي مب قادر أتلم على الكمبيوتر وايد ههههههه

    بالتوفيق للجميع

  4. اول شي كانت الوالده الله يحفظها
    وعقب الوالده
    ابتلشت بالمدام
    وطبعا هي خصم شررس وربي يعيييني

  5. في السابق : الوالد حتي أقتنع مدى أهميته في حياتنا اليوميه

    الأن : الزوجه >>>> حتي تقتنع مدى صداقتي مع الأنترنت

    وفي المستقبل >>> الولد الصغير لأنه يعملي حركتين الأن

    الحركه الأولى : يبند الفص من الكهرباء والحركه الثانيه يقعد جدامي ويدقدق بأيده ع الكيبورد ويشرد

    والله يستر منه في المستقبل … لان قصده من هالحركه يبا يطلع يتمشا بسياره

    وأول مانطلع ونمشي 5 كيلو الحبيب راقد في سابع نوووم وعلى قولتهم (( نوم العوافي ))

Comments are closed.