من كثر حبي لك دعيت الله يديمك تاج على رؤوس العباد يا شيخنا خليفة.

19 thoughts on “من كثر حبي لك دعيت الله يديمك تاج على رؤوس العباد يا شيخنا خليفة.”

1. الله يوفق اليميع يارب

2. اسمحو لي على المداخله

   بس هالوقت الهنود والاجانب هم اللي يديرون البلاد وهم اللي يوظفون

   على ما اظن تعرفون من مدير قناة ابوظبي ولا الامارات ما اعرف من بالضبط وكم راتبه في الشهر ؟؟؟؟ والله انصعقت هذا مب مواطن وجيه راتبه ياااا ناس يوم زادوا الرواتب ( زادة الاسعار ) على المستفيد من الزياده وعلى اللي ما طال شي من الزياده يعني ليش ما يرفعون الاسعار والبترول على الاماره اللي رواتبها اقل واحد يستلم 20 الف

   والحن عندنا ماستر ما نستلم غير 14 الف والحمدلله على كل حال هذي نعمه بس الواحد ما بيده شي غير انه نتوكل على الله ونحسن الظن فيه مب في العباد

3. ذاك الشبل من ذاك الاسد
   اسال الله ان يغفر للشيخ زايد ويمد بعمر الشيخ خليفه
   وان يديم عز الامارات واهلها والخليج اجمع

4. الأخ / اكتيفيا بنمسك ردك بشيء من التفصيل

   اختي العاطلين عن العمل ,,الدوله ما قصرت هناك معارض للتوظيف طول السنه سجل وبيتصلوا بك ,,ما حصلت القوات المسلحه ووزارة الداخليه لو ما فيك عاهه ومش من اصحاب السوابق مستحيل ايردوك ذكر او انثى ومن افضل الرواتب على مستوى الدوله.

   الظاهر إنت هب عايش معانا ؟ طال عمرك البطالة عندك تجاوزت الـ 45 الف عاطل عن العمل معقولة ذيلا كلهم تم عرض وظايف عليهم وما حصلوا ؟ وبخصوص المعارض أقول لك لم يتم توظيف أي شاب أو شابة مواطنين عن طريق المعارض وكانت في جائزة بخصوص هذا الموضوع في جريدة الإمارات اليوم للي توظف عن طريق المعارض وكانت الإجابة ( لا أحد ) كلها دعايات وحركات لتمويه المواطن الإمارات بأن الدولة تسعى لتوظيفهم عن طريق المعارض، وبخصوص الشرطة والجيش أقولك هب صحيح روح التعيين عندهم وبتحصل فوق 5000 سيرة ذاتية ومقدمة عندهم من سنة 2007 وأغلبهم شباب وسووا مقابلات ومحد درى عنهم خل عنك التدليس وتزييف الحقائق والواقع، والله وبالله وتالله إنهم يردونك وأنا منهم ردوني وردوا غيري آلاف فلا تقعدون تلعبون علينا وأنتوا الصح ونحن الغلط .

   القروض السكنيه للي رواتبهم عاليه ايتابع مع المسئولين وبييه الدور ,,المنح السكنيه للي رواتبهم اقل من عشرة الاف ولازم ايقدم ولا ينسى انه فيه حالات اولى وفيه ناس امقدمين قبله يعني فيه اولويات تحدد بعد دراسة الطلبات وتختلف هذه الحالات من سنه الى اخرى والاسكان تحده ميزانيه ما مكن تجاوزها .والميزانيه مدروسه ومعتمده من الحكومه ودائما حكومتنا تعطي بزيادة والحمد لله.

   في شباب هنا فتحوا موضوع وطلعت العلوم ناس مقدمين من سنة 2006 وللحين ما ظهر لهم شيء ليش ؟ قبل فترة ( زايد للإسكان ) كانوا يعانون من عجز ومقداره 5 مليار درهم معقولة في بلد مدخوله السنوي فوق 200 مليار دولار يعاني الإسكان من عجز في الميزانية ؟ يا عزيزي نبي القروض السكنية تتحرك نبيهم يعطون كل سنة 5000 مواطن قروض سكنية ليش المعاملات تتأخر وبالخمس والأربع سنوات ؟ هذا وعددنا بس 800 ألف مواطن الله يعين لو زدنا فخلنا جيه أفضل .

   الارامل المفروض تاخذ راتب زوجها التقاعدي ولها الحق تطلب بيت اذا ما كان عندها واذا ما كان عندها راتب وزارة الشئون الاجتماعيه موجودة اتقدم وبتحصل.
   المطلقات المفروض لها نفقه من الزوج (سكن ومصروف) واذا ما فيه لها الحق اتقدم في وزارة الشئون الاجتماعيه وبتحصل راتب والاسكان فاتح المجال اتقدم واتراجع وبتحصل ان شاء الله.

   رفع ميزانية الشؤون لرفع المعونة إلي تأخذها الأرامل والمطلقات بشكل يتناسب مع متغيرات الحياة في دولة الإمارات العربية المتحدة، وهذه الفئة تعتبر من أهم الفئات ووجب النظر فيها بشكل دوري وتقديم تقارير ربع سنوية للمسؤولين لمعرفة إحتياجاتهن المستمرة.

   الرواتب في الدوله من اعلى الرواتب في العالم (المجال مفتوح الكل يسعى ما شئ ايي بالسهل ) الدراسه والاجتهاد والسعي للاحسن بيوصلك لمبتغاك.
   ومن الاخر لكل مجتهد نصيب (الكسل والتواكل وعدم السعي والمطالبه بالمساواه مع المجتهدين هذا غير منطقي وبيكون طلب مجحف)

   ضحكتني والله هههههههههههههه ترى أغلب العاطلين عن العمل من حملة الشهادات الجامعية فخل عن الفلسفة الزايد ذليتونا إجتهاد وإجتهاد والمواطن بس يتعلم والوافد موظف يأمر وينهي، أنا يحق لي كمواطن في دولة الإمارات العربية المتحدة التي تعتبر من أغنى دول العالم أن أحظى بحياة كريمة تتفوق على أي مواطن في أي بلد آخر، أمس سمعنا قرارات السعودية وهي رواتب للجامعيين في مقاعد الدراسة شهرياً تتجاوز 2000 درهم ورواتب للعاطلين عن العمل من حملة الشهادة الجامعية تبلغ 2000 درهم ليش ما يصير عندنا نفس هذا الشيء ؟ ترى طلبة الجامعة وأغلبنا كنا في مقاعد الدراسة يا دوب أهلهم يقدرون يصرفون عليهم والعاطلين ما بعد الجامعة يصيرون عالة على المجتمع وعلى أهلهم بالذات فليش ما نسمع عن مساعدات مالية لفئة الشباب العاطلين عن العمل والذين مازالوا في مقاعد الدراسة الجامعة أسوة بغيرنا من الدول ؟

   .
   

5. ان شاء الله توصله هالرسالة وينفك مشاكل اغلب العاطلين من الموطنين وعسى ربي يحفظه لكم ويطول بعمره وكل شيوخ الامارات

   آمين وكما قال الشاعر ( ما أضيق العيش لولا فسحة الأمل )

   .

Comments are closed.