اخواني
وردني ايميل عنوانه ” (Land depressions in Khalifa (B “
موثق بصور !!
فهل هذا صحيح ؟!!
وهل الصور فعلا لمنطقة خليف ” ب ”
ان كانت صحيحه !!!
اين الجهات المسؤوله من المسح الجغرافي والدراسات ..قبل اصدار القرار بأهلية المنطقة للبناء و السكن ؟!!!
وما مصير اصحاب الاراضي و المساكن هناك ؟!!
اترككم مع الصور
افيدونا ومنكم نستفيد
اكيد كلاك مب منطقي ولا مقنع بس حبيت اوضح طريقته في التهرب من المسؤوليه.
نسبه عليه من الاملاح +الرمال المتحركه او شبه متحركه تنقسم الي اكثر من قسم هبوط التربه +عدم تماسك التربه ابسط مثال درام مملوء ماء وبعد كم ساعه بتحصلونه بدي يقوص في الرمل بدون محد يحفرله
لا حول ولا قوة الا بالله
الله يعين الجميع انشاء الله
لا طبعا مش مقنع بس الجماعه يوم يتوهقون عقوا كل شيء ع المالك
و هذا مش المنطقة الوحيده عندج منطقة بين الجسرين في ابوظبي بعض السكان يعانون نفس المشكله
والله تحدرين الميلس تلقينه مايل جهه فوق و جهه تحت و يقولون لهم مطلوب 200الف ع البيوت الصغيره عشان يعدلون لهم الساس
هذه 200الف مسؤلية البلديه اللي وزعت اراضي غير صالحه انها تدفعها للمقاول مش مسولية الملاك
مشكوووووووره أختي فولك دبي على فتح هالموضوع الصور فعلا حقيقيه و هي في منطقة خليفة ب القريبة من مستشفى المفرق و انا دوم اطوف عدالها هالفلل والله المشكله هذي صار لها اكثر عن سنتين وتوقعت اول ما شفتها ان البلديه على طول تسوي لجنة و تدرس حالة الارض و تشوف مدى الخطر يلي ممكن تسببه هذي الحاله للفلل يلي متأثره بالهبوط و لكن لا حياتى لمن تنادي يعني عادي لو سمعت ان الفلل انهدت و طاحت فوق اهلها لان البلديه ما تتعرف بشي اسمه تعويض و هذيلا المواطنين المساكين حتى لو يعرفون خطورة الموقف وين يروحون و من وين ييبون البيزات عشان يبنون مره ثانيه او حتى ياخذون اجار يعني مافي شي اسمه تعويض عن كوارث و هاي انا اعتبرها شبه كارثه لانه هبوط ارضي و تتحمل البلديه المسئوليه كلها مهما كانت اعذارها لان كل منطقه يوم تتخطط لازم يكون لها دراسات مسحيه دقيقه حتى يتم التاكد انها صالحه للبناء …. والله تصدقون شي يعور القلب يوم تشوف حالة مواطنين جيه و حياتهم معرضه للخطر و المسئولين ساكتين ولا من شاف ولا من دري و على فكره سمعت انهم يابوا هالمشكله في قناة الامارات وانه فاعل خير تبرع لحل مشكلة هالفلل و انقاذ حياة هالاسر المواطنه…… سبحان بلدنا في خير و نعمه مو قادره بلدية بوظبي تعوض اصحاب ثلاث فلل …… و على فكره و هاي مو السالفه الوحيده في بعد شعبيه في بني ياس قررو عليها تكسير اونه انها انبنت في منطقه غير صالحه للبناء وخلال الخمسه و عشرين سنه عمر هالمنطقه تموا يقصون على اهلها مره يقولون بنعوضكم ببيوت و بيزات و مره يقولون بنعطيكم اراضي و بيزات و طوال ال 25 سنه كثير من اهل المنطقه خذور قروض من هيئة القروض و خذو ديون من البنوك عشان يوسعون بيوتهم و عشان يعالجون مشكله التملح يلي ياكل في بيوتهم بسبة ان البيوت مبنيه في منطقه منخفضه اخرتها تدرون شو عطوهم….؟ عطوهم بيوت في الشامخه عدد حجرها 5 حجر و ميلس للحريم و ميلس للرجال و لا عطوهم فوقها تعويض عشان يبنون الاضافات يلي يحتاجونها لان اقل بيت في هالمنطقه يتكون من من 8 حجر و فوق وفوف هذا اهل المنطقه كلهم مديونين سواء للبنوك او هيئة القروض بسبب بنائهم في بيوتهم على مدار 25 سنه الحينه مع هالبيوت يلي حجره خمس من وين بييبون البيزات عشان يبنون اضافات تكفي عدد الاسره الكبير ……. شو رايكم قلت لكم البلديه غاسله ايدها