السلام عليكم ورحمة الله وبركاته
أخواني وأخواتي بسافر أمريكا للعلاج
سويت عملية في ظهري في شهر 7 في المانيا ومانجحت (عسى الله لا يبليكم)
ورجعت للدولة وطلبت أسافر أمريكا لتعديل العملية الأولى وأتعلم انجليزي (عصفورين بحجر واحد)
المهم والمطلوب هو الفيزا الامريكية كم تاخذ لين ماتخلص
أحسن طيران ودايركت إلى أمريكا .
طبعاً الموافقة على السفر ماطلعت ولا أعرف أي ولاية رايح
المهم شدو حيلكم معايه يعني اللي راح او يعرف حد راح مستشفى عدل ومعروف لا يبخل علينا
القوانين المتبعة في المطارات في أمريكا.
المهم من طقطق لي سلامو عليكو
طبعا اللي يريد شي من أمريكا فاله طيب أول ما أوصل بحط رقم تلفوني والريال اللي بيخاويني
وجزاكم الله خيراً
ودمتم سالمين
السلام عليكم ورحمة الله وبركاته .
معافى وطهور ان شاء الله وما تشوف شر .
اخي العزيز اعرف ان الإخوان قالوا وجهة نظرهم , ولكن ان لست مع الطيران غير المباشر , انا جربت الثنتين , وبصراحه عجبني الطيران المباشر افضل , الا اذا كانت الجلسه الطويله تتعبك , ولكن بصراحه طرت مع الاماراتيه مباشر الصيف هذا , وبصراحه اتمتعت بالرحله , كانت مريحه جدا , ولا ننسى ان الكراسي للرحلات الطويله تكون افضل واريح من الكراسي بالطائرات ذات الرحلات القصيره.
لا يوجد عندي خبره بالمستشفيات بصراحه بامريكا , لأن الهدف من الرحله كان الإستجمام وشمة الهوا ,
واذا عندك اسئله على ولاية نيويورك , فلوريدا , اوهايو , وحتى جزر البهاما فقد قمت بزيارتها بالصيف , ويوجد لي مشاركة تحت عنوان بلاد العم سام , وبامكانك اذا احببت ان تراها .
بالنسبه للتأخير بالمطار , فلا يوجد تأخير بمطار دبي , التأخير بسيط بمطار امريكا عند الوصول وعند المغادره لأن الأجانب كلهم بغض النظر عن جنسيتهم يجب ان يخضعوا لعمليه التسجيل او register وهذا قانون جديد بعد احداث سبتمبر , ولا يأخذ من وقتك اكثر من نصف ساعه الى 45 دقيقه.
اذا اردت المزيد من المعلومات عن المناطق او عن اي تفاصيل انا حاضر , رقم هاتفي 0502355377 .
اخوك شادي .
وبالشفاء ان شاء الله .
سلام عليكم ورحمة اللة وبركاتة
انا الان مؤجؤد في روشستر بعطيك خريطة طريق بكرة .
اذا خبروك نفس منطقة
والله ياجماعة الخير تراكم ماقصرتم
وجزاكم الله خيراً
ويالمجنون بلغ سلامي للوالدة وعساها ماتشوف إلا الصحة والخير والعافية وتستاهل سلامتها
المهم
المجنون طرشلي رقمك على الخاص وبنتواصل
سلامي للكل
الف سلامة لك يالقبيسي وماتشوف شر
نصيحتي لك ماتسافر دايركت خذ رحلة لين لندن وريح يومين ومن هناك الى امريكا انشالله عشان ظهرك
بس قبل ماتروح اتصل على السفارة الاماراتية في امريكا الملحق الصحي وطرشلهم التقرير وانشالله مابيقصرون معاك