على الأقل قاطعوا محلاتهم ولا تشترون العصاير والسندويشات من عندهم
خبير نفطي: رفع الأسعار غير مبرر وتخفيض هامش الربح ضرورة
سعر البترول لم يسجل أرقاماً قياسية حتى تتأثر الشركات التي تشتري النفط وتقوم بعملية تكرير وبالتالي تتحمل تكاليف ضخمة.
رواتب الخبراء والمديرين الأجانب تستنزف النسبة الأكبر من دخل هذه الشركات، إذ تراوح معدلاتها ما بين 150 و300 ألف درهم.
هناك توسعات غير مدروسة نراها في انتشار المحطات بشكل عشوائي.
هناك تفاوتاً كبيراً في الرواتب بين هؤلاء المديرين وغيرهم من الموظفين، خصوصاً أنهم يحصلون بعد كل ذلك على بونص سنوي لا يقل عن 700 ألف درهم.
خقه ع الفاضي
ياليت بعد يعترفون باصلهم الحقيقي قبل مايوقعون ع الجواز الاماراتي
عمرهم عيال زايد ماتبطروا ولا تكبروا على حد
ياللي زام خشمك خمس امتار تراك شرات السوسه فالبلادد
واللي عراسه بطحه يتحسسها
مب دريولك عسب اطرش لي سيايير خلني بعيد عن سياييرك وهوشك
يا جماعه انتو ما تدرون شو ظروف البلاد زيادات وزادوكم وكل يسرولكم من بعد الله
احين زعلانين على 12 درهـــــــــــــــــم خلو عنكم الصد ترا هاي بلادكم وفدى لها والله انتو ما تدرون يمكن ظروف تجبرهم انهم يزيدون خصوصا انه الدوله توها طالعه من ازمه ماليه عالميه امريكا اللي هي امريكا تاثرت 152 بنك في اميركا اعلن افلاسه فما بالكم الدولة يعني اترحمو شوي مب كله نبا نبا نبا
لو تقارن هاي الزياده مع الخدمات بشوف انه ارخص
خصوصا للاخوان اللي يقولون السعوديه رخيصه
لاتنسى السعويه راتب الجندي 3500 وعندنا راتب الجندي 15000 وفوق والمدارس والصحه وكل شي الحمدلله مب قاصرنا شي ونحن ما تعودنا على هالعادات الدخيله المقاطعه والاظراب ومادري شوه هاللي يسوي هالاشياء ما فيه خير لو انك ولد البلاد جان ما سويت هالسوى خلو عنكم هالسوالف اونك تقاطعون ومادري شو ومن ورانا 100 ساعه فاليوم طايحين فالشيشه^_^ ودمتم بود
وخلك راقي يا راعي الهوش
يا حافظ على هالرد الطيب يسلم ثمك يالغالي بس منو تفهم مايعرفون العواقب على هزياده الله المستعان
السلام عليكم ورحمة الله
الظاهر الموضوووع أخذ جوانب ثانيه وبالنسبه للمقاطعه الي نحن فيها فاشله يعني نحن مب نفس اوروبا يوم يقاطعون يكون لهم شي ملموس وبالنسبه للجماعه الي قالوا لاتغير زيت في أدنوك واذا غير زيت من مكان ثاني يعني هالزيت او الي هو (آيل ) من وين مشترينه ، والحبيب يوم يقول الا هي 12ربيه ما تفكر ان اسعار المواد الغذائيه بترتفع ويعني بترد الزوبعه الي استوت قبل سنه او اقل واما اذا الزياده يات على البترول بس ماشي خلاف فيها يمكن ناكلها وطيح في كبد كل واحد منا بس العووق اذا ارتفعت السلع الأساسيه من الرز والطحين … وألخ .
والسموحه
فهمنا يالفهيم انا بطرش لك سيايير العزبه والمزرعه والبيت وعبهن بترول على حسابك اونك الحين كريم بنشوف باكر بحولهن لك من الوقن لين دارك وبنشوف الكريم اللي مايهمه الروبيه عقولتك مشكله اللي يتفلسف وايد يالغالي خلك عندنا لاتكون علينا والسموحه من عيال الشيبه خخخخخ