:sahem1: السلام عليكم ورحمة الله وبركاته :sahem1:
اليوم حبيت أعرض لكم موضوع مهم …. :habeet:
>> موضوع عن المطاعم << :bbbfd:
طبعا المطاعم جزء أساسي لا يتجزأ من الحياة اليومية أو الاسبوعية أو حتى في الشهر مرة أقل شي
أقصد كل واحد لازم متعود على مطعم معين أو كافيه أو ….. الخ
فشو رايكم كل واحد يحط المطعم اللي يحبه وليش !!! :efsf7:
أو المطعم اللي يكرهه وليش بعد !! :3rsa:
أرجوا أنكم تتفاعلون معانا :^8:
والسموحة حبايبنا :wtro0:
بوظبي : ابو كابي مشاوي عجيب ولحم اللي عندة نظيف
دبي المطعم الايطالي ابراج الامارات +النادي ايراني وايد فنان وخاصة للعوايل
الفالودة عندهم عجييييييييبة
وااااااااو …موضوع يجوع الصرااااااااحه ….بس توني متغدي من ربع ساااعه ………يم يم
والله المطاعم في دبي وايده ….وكل مطعم له مميزاته ……….مثلا:
مطعم الدمياطي ……..يمدحوونه في المشاوي والحمص باللحمه والسندويشات الكباب والتكه
مخبز الريف اللبناني ….للفطاير اللبنانيه الغاويه …..
مطعم الامور في الممزر …….بعد فطاير وكوشري …مع ان الكوشري يرفع الضغط ….
كافتيريا جبل النوور ……سندويشات وعصاير بكل الاشكال والانواع والالوان ……
مطعم مدينه النصر والشوكه الذهبيه للاكلات الصينيه يمدحوووونها …….
مطعم الجود ومطعم جزيره العرب للمندي والمظبي والاكلات اليمينه الحليوه …..
والمزيد المزيد المزيد من المطاعم الغاويه …………..:ajeeb1:
جي مطاعم وايده نسيتها …..واحينه تذكرتها …..مع اني يمكن لاف كل مطاعم دبي ..ومنها
مطعم دانييل …بوفيه ايراني مفتوووح على كيف الكيف …..في توين تاور ..وفي مركز مزايا …
مطعم الوكيل ….هذا مطعم فري سبيشيل على خور بردبي ….حذال العبره ..مطل ع البحر ….
المشاوي فيه على المزاج ….والموقع رومانسي على الخور دايركت …بس تراه غالي حبتين …
كافتيريا الحظيبه ….هاي اللي في الممزر …شاي كرك وبراتا …..كل يوم صبح ومسا خاطف مناك
مطعم حاتم والصفدي …….اكلات ايرانيه مرتبه ……
مطعم التسامح والتواصل وبيت المندي والمرحباني …….كلهن للمندي ……….
والله لو اتم ارمس لين باجر ..ما بخلص عن المطاعم ……..دوامي طويل …والغدى كل يوم في مطعم
ما خليت مطعم في دبي ما لفيت عليه ……..حتى اني مسوي عقود مع بعض المطاعم …….خخخخخ
واسمحولنا اذا نسينا اي مطعم …واذا تذكرنا …ترانا رادين راجعين ….لووووووووول
…………مطعم جار القمر…………….
اليوم أنا واحد من ربعي تعشينا في هذا
المطعم واكله عجييييييييييييب ونظييييييييف
وعنده مشاوي رهييييييييييييييب والله
يكفي لبناني……
تبون الموقع في أبوظبي مقابل مدرسة الشويفات الخاصة
ورقم التلفون : 024458006
وعطوني رايكم بصراحة؟؟؟؟؟؟؟؟
أنا مجرب وايد مطاعم طبعا كلها في دبي
مطعم المنى في مينا السلام ،،،، بوفيه الغدا عندهم روعه خصوصا الحلويات
جابينغو في كل فروعه ،،،، السيتي سنتر ولا مول الامارات ولا برجمان
المطعم اللبناني اللي في فندق بارك حياه وااايد حلو خصوصا السلطات
المطعم الايطالي اللي في فيستفال سيتي ،،، مكرونا جريل شي جيه اسمه بعده يديد بس حلو
طبعا بالاضافه لمطعم النافوره في ابراج الأمارات
وااايد مطاعم يوم بذكر غيرهم برجع اخبركم
أنا أفضل في البداية أكل البيت طبعاً …
واذا حبيت أطلع وأتعشى برع أروح قوس قزح في الشارقة و بحر الامارات في الشارقة ومطاعم المندي مثل المرحباني .. بس الصبح أتريق في مكان بتستغربون منه هههه ويعرفونه أهل الشارقة عدل … المطعم الهندي الي في سوق الجديم عند الدوار الصغير في السكه .. (( براتا + شاي حليب )) وأنته والخير رباعه 🙂