انا عندى مشروع على قد حالى المهم جبت محاسبه فلبينيه عن طريق الخدامه الموجوده عدنا فى البيت
دفعت مصاريف عنها فى الفلبين تقريبا 1500 درهم + تذكرة سفر 2150 قدوم الى الامارات + 2040 درهم بطاقة العمل والفحص وغيرها من المصاريف تقريبا كلفتنى فوق 10000 درهم
المهم كملت عندى 12 شهر والحينه قدمة استقالتهامن اسبوع فطلبت منها الانتضار لحين اجيب محاسبه ثانيه تستلم منها العمل لكن اتضحلى انتها تبقى نقل كفاله ومش راضيه تعطينى فرصه اكثر من 10 مرات تتصلى تلفون فى اليوم مطفرتنى فى النقل كل ما اروح على المحل تكلمنى وانا فهميتها انه ماشى نقل كفاله عملتلى ربكه فى العمل لا قادره اروح اشوف شقلى على شان ما تكلمنى المشكله انه اسلوبها وقح اذا طولت الكلام وياها احس انه تبقى تمد اديها المهم
جتنى الحينه تبقى تكنسل وجايبتلى رساله من المنطقه الحره فى راس الخيمه انه سيتم توظيفها بعد الكنسله
كيف يصير هاذا الشى وين القانون حتى الحرمان من العمل والعمال تقدر ان تتوظف 
انا فى الوقت الحالى بخسر كل المصاريف وفوق هاذا كله هى تعرف كل ارقام العملاء الى باقى حساب عليهم تعرف كل شى 
ممكن حد فاهم فى القانون يفيدنى كيف اتعامل وياها ؟ 
شكرا
واو خطة جهنمية
…
انزين في حل سهل ماعرف ليش ما انطرح عليج من الاخوان
ليييييش ما توديها مركز الشرطة وتقوليلهم الموضوع وانج بس تبين ارقام العملاء والأمور الي تخص المحل
وعقب كنسليلها وسفريها بحرمان وها أعتقد أسهل حل وياليت تسيري المركز قبل وتشرحي الموضوع لهم
تحياتي
اختي هل موضوع بسـيط جدا و ما يبالج شي..بما انها مش مداومة في المحل..
.
1- خذي صورة جوازها و بطاقة العمل..و اذا ما عندج صورة بطاقة العمل اطلبي كشف عمال من اي طباع..و اطبعي بلاغ هروب ضدها…بدون ما اتخبرين حد حتى في المنتــدى..و لا الدريول و لا اي عامل عندج..تراهم مافيا ضد المواطنين..
2- قدمي البلاغ باجر في وزارة العمــل و لا اتقولينهم اي شـي عن سالفة راس الخيمة و نقل الكفالة و غيرها..( المختصـر ) عندي موظفة ما اعرف وينها و ما تحضر المحل و انتي ما تتحملين مسئوليتها اذا باجر اشتغلت بمكان و زخوها مفتشين العمــل..
3- بعد ما اتسوين لها بلاغ هروب في العمل سيري قدمي البلاغ الثاني في الجوازات علشان يسون لها حرمان نهائــي.. و ادفعي قيمة التذكرة و بردي على قلبج.. اذا بعدهم على النظام اليديد..
4- اكتمي الموضوع ( هذا الشرط الاساسي ) و لا اتقولين لها لمدة شهر شهريـن… لا اتخلين قلبج ياكلج و ترمسين حد.. صومي عن الرمسه شهرين..
5- بعد شهر شهرين قولي لها تعالي يا الشيخة بسويلج التنازل بس انتي اطبعي الاوراق و فوقها بوسه ع راسج…قبل ما تتصلين فيها خذي رقم ايمباحث او مفتشين الجوازات و خلي الرقم عندج او عند حد من اخوانج..اول ما اتي الشيخة و تبا التنازل اتصلي في المفتش او التحريات…بيودون الشيخة سجن الطويلة في بوظبي و من بوظبي تتسفر تسفير نهائي نفس ما الكبير المستثمرين يسو باند نهائي للفوضوين في المنتدى…
و سلامتج..
من خبرتي 10 سنوات في التجاره الحل انج اتيبين محاسب يشتغل بالساعات مؤقتا …. واتودين هذي العمل والعمال واتكنسلين لها واتسفرينها واذا خليتيها بيتمردون عليج العمال كلهم وبيصير مالج اي شخصيه وبيخترب مشروعج …. واللي في المنطقه الحره مابييبها من بلادها اذا سفرتيها هو يباها الحين لانها جاهزه وما بيخسر عليها شي لكن من تسير بلادها بيلبسها
وانتي ما فاتحه جمعيه خيريه انتي فاتحه هالمشروع ومحطيه بيزاتج وكل ما عندج عسب تحسنين وضعج فلا تخلين من احسنتي اليهم وما عندهم احساس يستغلونج خلي يكون عندج نظام في شركتج ومحد يتجاوزه
أنا عندي لكي أقتراح ليش ما تسايسيها وتعطيها يعني تقولين لها بارك الله فيكي بزيدك في الراتب والا تعالي ساعديني اذا فاضيه الين ما تبدي في الاجراءات وتاخذي الارقام منها الي تدورينها من عملائك وتشيكي معاها الحسابات اذا انتي صح متضررة كنتي عملتي كذه والا لا تتكلمي انتي وياها طرشي حد صاحباتها يكلمهما وانتي في الفتره الموجوده جيبي وحده وخليها توريها الاماكن والزبائن بتخسري ?لارقام للزباين تاخذي منها أما تكنسلي واكتشفوا أنك متعسفة العمل والعمال بيفرضون عليك غرامات ومحاكم وغيره ليش ما تفكريها صح أنا أشوف ما بتخسرين وايد ????
السياسة ضرورية في الامور نفس هاي وما بتنقص من قدرك ولا قيمتج
أما أنج تكنسلين بدون سبب رأيي على كيفج والرأي رأيج بالاخر بس لا تظلمي