انا عندى مشروع على قد حالى المهم جبت محاسبه فلبينيه عن طريق الخدامه الموجوده عدنا فى البيت
دفعت مصاريف عنها فى الفلبين تقريبا 1500 درهم + تذكرة سفر 2150 قدوم الى الامارات + 2040 درهم بطاقة العمل والفحص وغيرها من المصاريف تقريبا كلفتنى فوق 10000 درهم
المهم كملت عندى 12 شهر والحينه قدمة استقالتهامن اسبوع فطلبت منها الانتضار لحين اجيب محاسبه ثانيه تستلم منها العمل لكن اتضحلى انتها تبقى نقل كفاله ومش راضيه تعطينى فرصه اكثر من 10 مرات تتصلى تلفون فى اليوم مطفرتنى فى النقل كل ما اروح على المحل تكلمنى وانا فهميتها انه ماشى نقل كفاله عملتلى ربكه فى العمل لا قادره اروح اشوف شقلى على شان ما تكلمنى المشكله انه اسلوبها وقح اذا طولت الكلام وياها احس انه تبقى تمد اديها المهم
جتنى الحينه تبقى تكنسل وجايبتلى رساله من المنطقه الحره فى راس الخيمه انه سيتم توظيفها بعد الكنسله
كيف يصير هاذا الشى وين القانون حتى الحرمان من العمل والعمال تقدر ان تتوظف 
انا فى الوقت الحالى بخسر كل المصاريف وفوق هاذا كله هى تعرف كل ارقام العملاء الى باقى حساب عليهم تعرف كل شى 
ممكن حد فاهم فى القانون يفيدنى كيف اتعامل وياها ؟ 
شكرا
هذه الجنسية أبدا مامنهم أمان
لو تلبسهم ذهب من راسهم لساسهم ما يعترفون بمعروف
عن تجارب كثيرة ومريرة أحذر الجميع من التعامل مع الفلبينيين
وأتمنى أن ينتبه الناس ولا يستقدمونهم أبدا للبلاد
تعاملي معاها بالقانون وبالحكمة
ولا تورطين عمرج وياها بأي كلام وانتي معصبه
نصيحة تحملي خسارتج وألغي إقامتها وأطلبي لها الحرمان لمدة سنة
والله يعوضج خير
مشكلة المواطنين في التجاره انهم يسلمون العمال كل كبيره وصغيره والعامل يعرف كل شي عن الشغل ويوم يكسب خبره يفتح له محل ويضرب سوق المواطن
بالذات الاسيوين من عرف اسرار الشغله خلاص مجرد يلفقى راس مال او حد يدعمه يترك الشغل واخر شي تصيحون نصبوا علينا وضحكوا علينا
وانتم الي سلمتوهم كل شي
المفروض انتي كنتي تمسكين كل شي وهي بس تكون مجرد عامله تخلص شغلها وبس والاشيا الاخرى تكون بيدج او بيد شخص ثقه
الله يعينج انا شوف انج تسايرينها بالتي هي احسن لانه مثل ماقلتي ارقام العملاء وياها عشان ماتطلع وهي ماخذه عليج او كارهتنج
وعقب تتصل بالعملاء تخليهم يسيرون مكان ثاني وتخسرين عملائج
الله ايسر امورج ان شالله
السلام عليكم ورحمة الله وبركاته
الغالية بخبرج شي ويمكن تقريبا نفس حالتج
وحده يابت محاسبه والثانية يابت سكرتيرة وهي مشغوله طول الوقت عنه تي اخر الشهر تستلم وبين فترة وفترة تشوفه بس ما تجيك على اشغالهم
بعد ما حصلوا الثقة من راعيات الشأن قاموا ويسرقون من تحت لتحت
وخلاف سرقوا الباقي وشردوا
الغلط بيكون على منوه الحين
يوم يوا وسالوني هم جذيه ونحن مب قصرين وياهم وغيره
قلتلهم اسمحولي انتوا الي غلطانيين وتستاهلون الي استوالكم
الغلط الاول هو الاتكال عليهم بكل شي حتى في اصغر الامور
الحسابات وغيرها تراهم فلوسج وهي ما بيهمنا لو سرقتج او لا
عليها براحتها
ها الوطر الاخو يسرق اخوه شو بالج بانسان من برع
على العموم الفكره من القصة هو ان يكون لج درس وانتي اقعدي مع نفسج وشوفي
سفريها بس يوم بتختارين شخص لمكان حساس وخاصه حسابات وغيره اختاري شخص قد المسؤولية وخلي عندج كشف بكل شي يستوي بيع شراء يعني خليهم يكتبون كل شي افضل
والله يوفقك ويرزقج على قد نيتك يارب
وسامحيني على مداخلتي هاي
عليج بالعقل والحكمه لاتهددينها ولاشي المهم في الوقت الحالي سايريها بالاسلوب الزين ولو غصب عنج ،وخذي منها كل المعلومات اللي تهمج من ارقام عملاء وديون وارقام محلات متصله بعملج وارقام اصحاب المحلات وسجليها في كتاب وبشكل واضح ومنظم ،،
في البدايه الغلط غلطج انتي عطيتيها كل الخيوط وسلمتيها الخيط والمخيط اللحين لازم تتعلمين واذا على الخساير من تذاكر وغير مش مهمه في الوقت الحالي ،، عليج بالسياسه والمسايره ولاتخسرينها في الوقت الحالي ولاتبين لها انج بتحرمينها او اي شي ممكن تتسبب بخسارة العملاء الموجودين بأن اطلع اشاعه او غير
عليج بالعقل مش بالتهديد وعقب ما تاخذين كل حايج سفريها بحرمان انشالله
قوليلها ما تبين تشتغلين ادفعي المبلغ اللي خسرته عليج والله يسهل عليج وعلينا