السلام عليكم ورحمة الله وبركاته

وقال تعالى { ما أصاب من مصيبة في الأرض ولا في أنفسكم إلا في كتاب من قبل أن نبرأها }

مرحبا اخواني واخواتي ..

ابغي اجووف آرائكم فموضوع يخص واحد من الاهل ..

انا سويت اقتباس لرمسته وان شاء الله تساعدوونه

لوالد من 9 سنين انصاب بجلطة في الدماغ ووقف الدم عن الدماغ لمدة 15 دقيقة تم في غيبوبة لمدة شهر والحمدلله قام بس كان فاقد للذاكرة وما عنده قدرة الاستيعاب فالبداية كان هادي لكن بعد كم من سنة قام يضارب اللي حواليه ويشك فيهم في البداية كان بالكلام بعصبية وبعد فترة تحول سب وضرب وقام يهمل عمره وما يعتني بنظافته الشخصية وما يطيع ياخذ الادوية عشان الضغط

والدكتور قال مشكلة خلايا الدماغ اذا ماتن خلاص ما يرجعن ثاني مرة

والوالد يعاني من حالة انفصام في الشخصية من اللي صاب المخ

والعلاج اني اوديه المصحة العقلية (مستشفى المجانين) وصراحة انا ما اقدر اودي ابوي قلبي ما يطاوعني

وفيه مشكلتين :

الاولى انه يضرب وااايد واخاف يوصل الضرب لدرجة انه يعور حد من الخدامات وتشتكي عليه ويفرونه في السجن او لا قدر الله يسبب لحد عاهة

الثانية انه ما ياخذ دواه واخاف انه يزيد الضغط عنده ويرد يصيبه شي

وفي النهاية ضميري يعورني من الصوبين من نفسي لاني ما اقدر اسامح نفسي لو لا قدر الله استوى شي حق حد ولا بعد اني اودي ابوي المستشفى واخليه هناك

والحمد لله على كل حال ..
اللي يقدر يلاقي لنا حل لا يقصر .. ويزآكم الله خير الجزاء ..

بانتظار تفاعلكم

اختكم الغر الحشيم ..


__________________

29 thoughts on “مشورتكم … في حالة مرضية ..”

  1. الحمد الله الدنيا في خير جزاه الله ألف خير والله يعطيه على قد نيته وأكثر إن شاء الله..

    أفضل شي يوفر بيئة صحية جيدة في البيت ويتابعه مع ممرض عنده يساعده ويعينه على رعايته..

  3. هذا اللي صابه تكفير عن عمل عمله سابقا
    وشوري انه يصبر عليه شرا ماصبر عليه شرى ماصبر ابوه عليه يوم هو صغير لانه كان اشطن
    ولازم عليه يعالجه ويسعى له

  4. بالنسبة للموضوع انا اشوف كلام اخوي كونان هو الصواب ليش ما تحطون ممرض يشوفه في البيت و تابعون حالته بانتظام في المستشفى

    و الله يكون في عونج اختي

  5. أخوي،

    الريال (اللي هو قريب الغر الحشيم) يقولك إنه محتار بين إنه يخلي أبوه في البيت و بين إنه يوديه مستشفى الأمراض العصبيه .

    و طالب الشور، لأن كل وضع أصعب من الثاني. أي مستشفى و أي علاج معروف هذا اللي تتكلم عنه ؟

    السموحه منك و من الأخت صاحبة الموضوع على المداخله.

    أخوي أنا فاهم الموضوع عدل و الاخت ما طلبت ((اسم محدد لمستشفى للعلاج )) الاخت طلبت على لسان قريب لها عن اتخاذ قرار شخصي بالدرجة الاولى لان الريال ابوه حالته صعبه و متردد يحطه بالمشفى ولا لأ …. مع الاخذ بان الحالة صعبة و انسانية بس هل تقدر تقرر عنهم اذا يحطونه بالمشفى ولا لأ….
    و بالنسبة للعلاج اخويه لو حاب اعطيك اسم المستشفى انا حاضر و اكيد ما بتعرف العلاج للمرض لانه خارج اختصاصك الغالي

    و السموحة

Comments are closed.