وقال تعالى { ما أصاب من مصيبة في الأرض ولا في أنفسكم إلا في كتاب من قبل أن نبرأها }
مرحبا اخواني واخواتي ..
ابغي اجووف آرائكم فموضوع يخص واحد من الاهل .. 
انا سويت اقتباس لرمسته وان شاء الله تساعدوونه
لوالد من 9 سنين انصاب بجلطة في الدماغ ووقف الدم عن الدماغ لمدة 15 دقيقة تم في غيبوبة لمدة شهر والحمدلله قام بس كان فاقد للذاكرة وما عنده قدرة الاستيعاب فالبداية كان هادي لكن بعد كم من سنة قام يضارب اللي حواليه ويشك فيهم في البداية كان بالكلام بعصبية وبعد فترة تحول سب وضرب وقام يهمل عمره وما يعتني بنظافته الشخصية وما يطيع ياخذ الادوية عشان الضغط
والدكتور قال مشكلة خلايا الدماغ اذا ماتن خلاص ما يرجعن ثاني مرة
والوالد يعاني من حالة انفصام في الشخصية من اللي صاب المخ
والعلاج اني اوديه المصحة العقلية (مستشفى المجانين) وصراحة انا ما اقدر اودي ابوي قلبي ما يطاوعني
وفيه مشكلتين :
الاولى انه يضرب وااايد واخاف يوصل الضرب لدرجة انه يعور حد من الخدامات وتشتكي عليه ويفرونه في السجن او لا قدر الله يسبب لحد عاهة
الثانية انه ما ياخذ دواه واخاف انه يزيد الضغط عنده ويرد يصيبه شي
وفي النهاية ضميري يعورني من الصوبين من نفسي لاني ما اقدر اسامح نفسي لو لا قدر الله استوى شي حق حد ولا بعد اني اودي ابوي المستشفى واخليه هناك
والحمد لله على كل حال ..
اللي يقدر يلاقي لنا حل لا يقصر .. ويزآكم الله خير الجزاء ..
بانتظار تفاعلكم
اختكم الغر الحشيم ..
__________________
موقف صعب وبدعي الله انه يخفف من مصيبتك و مصايب المسلمين
بس انا بقول انه حرام تودينه مستشفى الامراض العقلية او النفسية ..
الانسب بشوف انه تخليه ببيتك و تهتمي فيه , و بنفس الوقت يصير يزوره الدكتور النفسي و دكتور الدماغ على بيتكم
والله يشفيه يارب
امتنع عن الرد
وعليكم السلام ورحمة الله وبركاته
فعلاً الموقف صعب اختي الغر
وانا اوافق الأخت ديره في كلامها .
بورك مسعاكم
الله يشفيه ويعافيه ..
لا حول ولا قوة إلا بالله
أخوي،
الريال (اللي هو قريب الغر الحشيم) يقولك إنه محتار بين إنه يخلي أبوه في البيت و بين إنه يوديه مستشفى الأمراض العصبيه .
و طالب الشور، لأن كل وضع أصعب من الثاني. أي مستشفى و أي علاج معروف هذا اللي تتكلم عنه ؟
السموحه منك و من الأخت صاحبة الموضوع على المداخله.