الســـــــــــلام عليكم
قبل افتتاح مشروعي بفتره حبيت اخبركم عن مشروعي ( شركتي الصغيرة)
هي عباره عن شركه توفر جميع الخدمات للزبائن الحمدلله الشركه بيكون فيها عدد 2 عمال +مندوبة + انا (قلم احمر)
من فتره طويله كثيرين من اصدقائي والاهل وحتى المعارف من بعيد وحتى اذا حد كان يدور على شي او محتاج شي او يبا يخلص معاملاته يتصلون بي وعلى طول القالهم الي يبون المهم عقب هذا كله قررت اسوي شي يساعد الناس وفي نفس الوقت استفيد منه .. صح بتقولون ممكن اي حد يخلص نفسه بس في وايد ناس ما يلقون الي يبونه او مشغولين او محتاجين حد يدلهم .. حطيت اسعار رمزيه على هالخدمات طبعن في اول سنه بتكون الاسعار متفاوته بين الخدمات تبدأ من 100 درهم لين 300 درهم
هذه الشركه هيه فكره تقريبيه لشركه امريكيه ( متخصصه في مجال واحد ) وانا حبيت احط اكثر من خدمة
الخدمـات هي :075:
1 – حجوزات الفنادق والشقق المفروشه
2- تأجير الشقق والمساكن المشتركه و الفلل ( او توفيرها)
3- خدمة حجوزات السفر والتذاكر
4-توفير جميـــع التذاكر الخاصه بالحدائق والحفلات ( في خصومات عليهم)
5-حجز القاعات للحفلات واعياد الميلاد
6- توفير شركات الصيانه والمقاولات ( طبعن بأسعار منخفضه)
7-الخدمات خارج الدوله ( شـــــراء وحجوزات )
8-جلب الخدم والعمال من جميع الجنسيات وجميع المهن
9-تخليص المعاملات
10-والتوصيل عنـــــــــد باب البيـــــت
شووو رايكم بالمشروووع وخصوصا الي لهم خبره بالمشاريع بس بغيت حد يساعـــدني اذا هي فكره ناجحه او لا ؟؟ لاني اتفقت ويا العمال وفكرت في المقر (تقريبا جاهز) :064:
والسموحه
قلــــــــــــــــم احمر
عمان … تسلم اخوي عالمرور ..
المستقبل المشرق .. الله يوفق الجميع ان شالله
مارين … اختــــــــــــــي كلام صح الصح وهذا الي كنت افكر فيه الحمدلله الي وياي يعرفون للانجليزي والهندي والفرنسي وعن الصحف انا فكرت احط الاعلان في صحف خارج الدوله الافكار الي حطيتيهم بنسخهم عندي و ألف شكرج لج وعلـــى مروج الطيــــــــــب
uaeyah15 — اســـــــــم جميل وبعد مب مكرر وايد
الفؤاد — الله يوفقك اخوي …تسلم الغالي واشكرك على مشاركتك
تحياتــــــــــــــــــي للجميــــع
قلم احمر :075:
بالتوفيق انشاء الله
فكره حلوه كثير وكنت افكر فيه من زمان
تحياتي
الفؤاد
اخترت اسماء للمشروووع وعطوني رايكم …
the future servies —- المستقبـــــــــــل للخدمات
The royal servies — الملكــــــــــي للخدمات
او … الوطـــــنية للخدمات
شو رايكم …
تحياتي للجميــــــــــــــــــع
قلم احمر
What about “Right Selection Services” sounds strong and very practical
بالتوفيق اخوية الكريم :075:
مرحبااااا
1-انا في رايي المشروع ممتاز بس محتاج تنسيق دقيق مع الفنادق وباقي الاماكن السياحيه الي راح تتعاملين معاهم وتعرفينهم بالشركة عشان تاخذين اسعار خاصه ومتميزه و تظمنين الفايده لانه انتي راح تتعاملين اكثر شي مع سياح ومثل ما انتي عارفه لازم تكونين متميزه بالاسعار والخدمه .
2-الدعايه ضروريه وركزي على الصحف الاجنبيه والمواقع في النت وحتى على fm
3- لازم يكون عندج عماله ذو كفائه وخبره ويجيدون اللغات مثل الانجليزيه والفرنسيه ولاوردو
4-دبي مركز سياحي وتجاري وماشالله السياحه ما توقف فيها شتا وصيف
5- لا تترددين وتوكلي على الله واتمنالج التوفيج ولا تسمعين من اي حد يخليج تترددين لانه مشروحج ناجح وهالمشروع موجود في اوروبا واسياء تقريبا بنفس الطريقه وماشالله عليهم مدخلين ذهب
بالتوفيق أخي الكريم
ومشروعك رائع