السلام عليكم ورحمه الله
شحالكم شخباركم ان شالله طيبين
اممم الله يسلمكم من بعد موضوع التمويل .. يات طلبات كثيره وكلها بافكار حلوه
وغير التمويل في مشاريع يات تطلب دراسات او ارشادات والكثير منها متميز وبعضها حصري
لكن للاسف اكثر هالمشاريع ماتشوف النور .. والسبب ان البعض يبي مشروعه عنده او يبي ربحه له او يخاف من سرقه الفكره
اخواني ترى سرقه الفكره يعتبر دعايه لها لان يزيد من مصداقيتها وشهرتها عن طريق المنافسين
المهم الافكار اللي ياتني في الكثير منها يقدرون يتعاملون مع بعض ويطلعون بمشاريع ممتازه وارباح عاليه ورؤوس اموال صغيره .. بس ينقصكم التعاون مع بعض
اخواني ياليت كل شخص عنده فكره حلوه او متميزه يكتبها على العام ترى الكثير بيستفيدون من التعاون مع بعض
فانصحكم لاتخلون افكاركم حبيسه الادراج طلعوها وناقشوا الناس فيها … لان ماشالله عليكم انبهرت بمشاريع الكثير منكم فيها تميز وتفكير صحيح وترتيب
الله يوفقكم اخواني وياليت نشوف مشاركاتكم هني اكثر بعد سواء اللي راسلوني او ماراسلوني
لان ترى بيكون في الكثير يفكرون مثلك ويقدرون يكملون مشروعك .. يعني تكملون بعض تجاريا
وبالتوفيق ان شالله للجميع
كلام اختي ام شيخه صحيح
وفي نقطه مهمه وايد
طرح الفكره
ممكن راعيها ما بيكون عنده السيوله لتنفيذها
وراعي السيوله يشلها بكل بساطه ويتفذها لانه بكل بساطه يملك احد مقومات تنفيذ الفكره
بس اككر
اي حد ينفذ اي فكره
ما بتنجح مثل راعيها
لانه هو احبها ودرسها
بعطيكم مثال بسيط
فكره ما في منها اثنين
مع انه الكثير حاول تقليدها بس فشل
طالب امريكي جامعي
ما كان معاه يكمل اقساط دراسته
جت على باله فكره
نفذها وفي خلال شهرين صار من اصحاب الملاين
وتدرون كم راس المال كان
صفر
الشرح تحت
نقطة مهمه
صاحب الفكرة المبتكرة هو منبع النهر
فالمنبع ما يهم من مجر النهر
لان الاساس عنده
لو فتح اكثر من مجر
المهم المنبع
لكل صاحب مشروع مميز
ولكل صاحب فكرة مبتكرة
لا تخاف على افكارك من اسرقة
لان انت مثل ما قدرت توصل لهذا الفكرة بتوصل للاحسن لان انت تملك العقل الي يفكر و يطور اي فكرة عنده..
بالعكس من خلال النقاش مع بعض انت المستفيد الاول و الاخير
لان بتقدر تعرف شو تبا بضبط
واي الاقترحات تناسبك
فبتاخذ الي تبي و بتترك الي ما يعجبج
بتوفيق ان شاء الله
ولي عودة ان شاء الله
ماشالله عليك اخويه سهم واحد الصراحه كلام رائع وفكره اروع…..تمناتي بالتوفيق للكل
معك حق أخوي
لكن عندي نقطة هنا و اريد توضيحها للأخ نايف
لابد انك تجعل للشخص مساحة من الخصوصية في فكرته
لأنها و مثل ما قال أخوي trading_ line
ان سارق الفكرة ما راح يكون نفس راعيها
إلا اته راح يؤثر على نفسية صاحب الفكرة
و يمكن أن يحبطه عن البدء فيها
فانا اقترح ان الكل يطرح الفكرة بشكل عام على العام
لكن ما يميزها فيكون بالإتفاق معك
لأنه في الإستفتاء العام راح تجد قراءة للسوق و هل هو محتاجها أو لا
و على الخاص راح تجد ما يميز هذا المشروع عن غيره
و طبعا انت صاحب القرار الأول و الأخير في هذا
و مثل ما انت عارف المشروع في تميزه لا في فكرته
فالأفكار بحر لكن التميز فهو دانة تزين هذا البحر
و هذه مجرد فكرة و خاطرة تجارية راودتني حبيت اشارك فيها معاكم
بس شي حلو ان يكون تبادل افكار وبعد كلامج صحيح ان الواحد يتعب على الفكره وحرام تنسرق ..
بس مثل ماينقال دائما الاختلاف في الراي لايفسد للود قضيه
واساس كل نجاح يكون باختلاف الراي عشان نوصل لاحسن الافكار
وتسلمين اختي ام شيخه مره ثانيه على متابعج الطيبه الله يجزيج كل خير اختي
وبالتوفيق ان شالله