السلام عليكم

تم الاعلان بشكل رسمي عن المزاد العنلي الذي سيقام يوم الخميس
الموافق 1232009
والارقام المعروضه فالمزاد ان شاء الله بتشوفونها فالجرايد باجر او بعد يومين ..

اليوم وصلتني رساله الساعه 10صباحا من الـ RTA وتقول :–

تتشرف هيئة الطرق والمواصلات بدعوتكم
لحضور المزاد العلني رقم 61يوم الخميس الموافق 12 مارس
الساعه 3 ظهرا في فندق جميرا بيتش قاعة المينا .

حبيب الكل

18 thoughts on “مزاد دبي العلني يوم الخميس بتاريخ 1232009”

  1. ,

    عزيزي “حبيب الكل”,,

    هل ممكن من بعد أذنك دامك خبير ماشاءالله عليك في السوق وبأسعاره
    أنك تاخذلي رقم بسعر مناسب والكاش بيكون عندك قبل المزاد,,!!

    ,
    يعني أختارلي الرقم المناسب ع ذوقك في حدود الكاش اللي عندي

    لأني بصراحه أثق فيك وأنته أدرى بالسوق عني

    ,

    ^_^


  2. حبيب

    عطنا التفاصيل ع العام ما فينا نتصل وناذيك .. شو شروط المشاركه بالمزاد

    افا عليك انت بس مافي اي ازعاج بالعكس اخوي انا اتمنى اساعد الجميع وعلى العام بعد ..

    * المزاد بيكون تاريخ 12 يعني يوم الخميس
    ** الساعه 6 المغرب
    *** في جميرا بيتش
    **** اذا حاب اتشارك فالمزاد وتزيد ييب معاك شيك وهناك بيفهمونك شو تسوي بالشيك ..
    ***** اذا حاب بس اتشوف المزاد عليك رسوم دخول 100 درهم للقاعه ..

    والامور طيب انت بس تعال

    نصيحه :-

    الي مايعرف للاسعار عدل لايتسرع ويشتري اي شي وبعدين يندم
    نصيحه شوف السوق عدل برع واعرف كم الاسعار لاقرب رقم حاب تشريه
    حتى لو كان مكتوب 70الف سعره برع انت حاول تاخذه تحت الـ 45الف
    واذا زاد وايد ابرايه تراك بتحصله برع اقل ابوايد ان شاء الله

  5. بالتوفيييق ان شاءالله ..

    بس ياخوي حبيب بسألك كيف اقدر اشارك فالمزاد انا ولا مرة دخلت وخاطري ادخل هناك واشوف الجو واذا صارلي نصيب بالدرهمين اللي عندي باخذلي رقم وبشرد

    افا عليك انت بس اتصل فيني وفالك طيب ..

    050
    9172222

Comments are closed.