مرسيدس s320 موديل 2001 بحالة الوكالة

السلام عليكم..

عندي مرسيدس موديل 2001 s320 لونها ابيض ومن داخل بيج.. السيارة ماشية 82000 كيلومتر. مواصفاتها فل اوبشن، فتحة،جلد،خشب،ابواب شفط،تكييف في الكرسي، بالاضافة الى ان السيارة تشييك وكالة لغاية 50000، التواير ميشلان يديدة مغيرهم يوم كملت السيارة 71000 كيلو،السيارة مركب عليها عازل حراري 3M قبل 7 شهور وفيه ضمان 5 سنوات،السيارة نظيفة وايد وانا ما ادخن ولا اسرع او العب فيها، يعتي المكينة بعدها يديدة والجير بعد، مغير السفايف وزيت الجير والستيرنج و زيت البريك، فلاتر المكيف والمكينة والبلكات كلها متغيرة، السيارة ما تصرف وايد والفل مالها يكلف 100 درهم ويعطيك بحدود 600 كيلو..

السيارة وايد مريحة واللي بيشتريها وايد بيرتاح فيها وماراح يحتاج يسوي لها غير الصيانة الدورية كل عشرة الاف كيلو.. السبب لبيع السيارة هو اني تزوجت والحمد لله وحاليا محتاج اشتري سيارة اكبر منها تناسب العايلة، انا احب ابيع السيارة لشخص بيستعملها مب لتاجر سيارات وانا مب طالب فيها وايد

الرجاء الاتصال بين الساعة 12 الظهر لين الساعة 9 المساء

بس 90000 درهم .. للتواصل يمكن الاتصال على رقم 0507546400 او ارسال رسالة على الخاص..