السلام عليكم
توجد لدي عدد 5 سيارات 240 E للبيع .. بسعر 100 الف درهم لكل سيارة
و 9 سيارات 280 E للبيع .. بسعر 105 الف درهم لكل سيارة
فل ابشن .. منهم سقف زجاج بانوراما و منهم بدون
السيارات 0 كم غير مستعملين ابدًا
ضمان المصنع و ضمان ساري لكل دول الخليج 3 سنوات دون تحديد كيلو متر ( المجموع 5 سنوات )
طريقة الشراء .. دفع مقدم 50% من قيمة السيارة ثم الباقي عند الاستلام
السيارات موجودة بالسعودية ..
العرض غير شامل الجمرك و الالواح .. اذا تبوا السيارات بدون جمرك نجيبها لكم بالواح سعودية
العرض شامل الشحن
التواصل خاص .. و الجدية .. ومن سبق لبق
انا اريد 350 او 240
الون ابيض ومن داخل عنابي
0557333332
اخوي انا ماغيرت كلامي بس انتوا همكم الضمانات وهذه الاشياء وذلك السبب انا مضطر اني انزل عندكم الامارات واتفق مع احد المعارض المعروفة علشان يقدم الضمانات لكم و الخدمات ولهذا السبب بعطيه عمولة و السيارات طلعت بدون جمرك يعني الاسعار ما تغيرت اخوي انا كان همي ادخلها الامارات بسعر اقل من السوق بفارق واضح جدًا و لذلك السبب خصمت منها علشان الجمرك بس بعدين تذكرت ان السيارات 2008 وانها تجمركت بالسعودية و في ظل نظام الجمارك الخليجية الموحدة ما يحتاج نجمرك مرة ثانية لان السيارة على كل حال فيها بطاقة جمركية
على العموم اخوي انتوا ما بتخسروا شيء والله يعلم اني احبكم و علشان عشرة العمر في المنتدى نزلت الموضوع هنا وكنت اقدر اني ابيعها على المعارض في السعودية او على اشخاص في السعودية او على المعارض بالامارات و معارض الامارات معروفة عندها امكانيات تشتري بدل السيارة 100 سيارة بس انا ابي ابيعها لافراد يستخدمونها ويدعوا لي
على كل حال الكمية محدودة واللي حجزوا هم اول ناس راح اتواصل معاهم و لهم الاولية بأخذ السيارات اللي مواصفاتها تنطبق مع رغباتهم
وانا اشكركم على التواصل ومازال الطلب مستمر
وانا جاد كليـًا وبعد فترة راح انزل في نفس هذا الموضوع صور السيارات اللي انباعت و اوراق المبايعة علشان تعرفوا اني جاد اخواني في التعاملات القادمة
اخوي مسرع ماتغير الكلام
يعني عشان مافي جمرك زدت 10 آلاف على طول
مايصير جذي الله يهداك
في واحد من الاخوان كان مستعد يشتري الـ 5 مره وحده
ونحن يايبين لك شرايه … بس تغير كلامك بسرعه
بدينا بتغيير الأسعار……
عالعموم احجزلي E350 فل اوبشن بانوراما
واذا ما حصلت E240 بانوراما
اللون أبيض فقط …
ممكن اعرف سعر E500 عليه كت E63 Amg
تحياتي
شباب السيارات ماعليهم جمرك لان الجمرك موحد فبنرفع سعر السيارات واسمحوا لي
الـ240 بـ 110 الف
الـ280 بـ115 الف
السعر نهائي شباب … و اعتمدوه عندكم
بالنسبة للسيارات فانتم احكموا على اسعارهم .. روحوا الوكالة وشوفوا بكم يعطوكم اياها
انا كل اللي بسويه بشتري من الجفالي عدد كبير عن طريق شخص عزيز علي يشتغل عند وكالة الجفالي
الاسعار ما بتنزل عن كذا .. في الوكالة الاسعار تقريبـًا دبل
اللي يبي موتر اقدر ازيد الكمية .. ياريت تسجلوا ارقامكم هنا او في الخاص مع عدد السيارات
وهل الموتر اللي تبوه E350 او 280 او 240 واكتبوا عن طريق الاولوية
مثلاً
انا ابي مرسيدس 350 واذا ما حصل ابيه 240
والالوان المفضلة , او لا يهم
علشان اقدر اشوف سيارات مواصفاتها مطابقة لطلبكم و ارد عليكم
الرد راح يكون بعد اسبوعين من الآن .. لما تصير عندي قائمة طلبات مكتملة
وعلشان اقدر اوفر لكم الضمانات اللازمة بالامارات
الاعداد مفتوحة ومثل ما قلت لكم السيارات جديدة ما تحتاج معاينة والدفعة 50% الاولى وبوفر لكم جميع الضمانات واللي يبي يتأكد من سيارته ويعاينها راح اعطيه بطاقة جمركية او اي شيء فيه رقم شاصي سيارته و هو يشيك مع الوكالة ويشوف متى انصنعت ومواصفاتها وهل السياراة استعملها احد او بيعت من قبل احد الوكلاء وان كانت الاجابة نعم يعطوكم التاريخ