السلام عليكم
محل في مدينة المصفح التجارية في م (11)
المساحه 70 متر
شارع عام في موقع تجاري جدا ورائع
قيمة ايجارية منخفضه
يصلح مطعم او مقاولات او صالون او اي مشروع يتطلب مساحات كبيره
سعر البيع 160000 الف قابل للتفاوض بسعر المعقول
مباشرة من المالك
اللي هو انا هع هع
ابو علي 0501300626
ممكن اخوي اعرف وين المكان بالضبط وهل المحل قائم وكم الايجار السنوي للمحل وطبيعه عمله وهل عليه عمال والرخصه ساريه او منتهية والسموحه سالت وايد
وبالنسبه لفيس تو فيس كلامك صح بس مب بس الزلمات تبيع وتشتري
كل تاجر شاطر يسوي نفس الحركه ومن لديه حيله فاليحتال
اول شي بخصوص المحل فهو مرخص وشغال
واللي بياخذه بياخذه بشغله
والمحل فيه ديكورات ومساحه وموقع وغيره من مميزات
اما بخصوص ان هل انا المالك او المستثمر
انا المستثمر وعندي مجموعه كبيره من العقارات والحمدلله
وعندي شركة عقار ومجموعة شركات اخرى ولله الحمد
اما بخصوص مبالغ فيه او غيره ان كنت حاب تشتري تقدر تحط سعرك اما ان كنت صاحب مكتب او غيره
فيا تقول كلمة خير او ماله داعي للكلام اللي قلته
وعلى فكره الشركة القائمة في المحل تسوى اكثر من المبلغ اللي انا حاطه
وهذا مش كلام في منتدى انا مستعد اقعد معاك ومع خمس اشخاص من اصحاب الشركات في اجتماع
واطرح حسابات وشغل الشركة
اما بخصوص المحل والموقع فيسوى السعر اللي انا حاطه واكثر يعني اللي بياخذ الشركة بياخذها مع الموقع ويعتبر سعر رمزي
ونقطة ثانيه حاب اتكلم فيها
ما في فرق بين الزلمات او اي جنسية اخرى انت نازل في السوق وهذي تجارة وبزنس ومالها علاقه باختلاف الجنسيه
وللعلم انا من عيال البلاد ومن اهل الدار
اما بخصوص هذا الاعلان
انا حاطه في المنتدى بما اني مشترك فيه لافادة اعضاء المنتدى
والسعر اللي انا عرضته في المنتدى غير السعر اللي ف الشركة انا حاط سعر خاص لأعضاء المنتدى
وياريت يكون الكلام في هالموضوع للجادين
الحاصل في مصفح ان مستثمر المحل ياجر المحل من المالك وبعد فتره يعرض المحل للبيع بخلووووو ويستفيد من قيمة الايجار
مثلا مستاجر ياجر محل بقيمة 40 الف وبعد فتره يعرض المحل للبيع بخلووووو 60 الف مع تعديل المحل بديكورات ما تكلفه 5 الف يكون استفاد 15 الف وهذا الحاصل واللي مب مصدق يسال الزلمات
والسموحه هذي هي الحقيقه ولا حد يزعل
عفوا انت صاحب المحل او مالك البناية والسعر تقصد فيه الخلووووو
ولو كان خلووو فسعرك مبالغ فيه
ولو انت مستاجر تضمن لنا نفس سعر الايجار وان مالك البناية ما يرفع قيمة الايحار بعد ما تطلع