صبحكم الله بالخير والبركة = )

قصيدة اخرى من كلماتي بودي ان استطلع آرائكم فيها .. .

آمل ان تنال على اعجابكم ..

والسموحة اذا لم ترقى لاسلوب الشعر .. فانا اعتبر نفسي مبتدئة فيه ..

يا طيري الشـــاهين طير فالـــــعالي
مــــالك في جــــو المحــبين وجودي
ضمك خفوقي وفوسط قلبي لك حواري
اقـــفيت ومـا فالـــــمقفين مربــــوحي
لـــــك دمــــوعي ذرتهــــا الـــــذواري
انــــوح من بعــــدك ومحد سمع نوحي
ياللي اخترتــــك بــــذوق واخــــــتياري
يكسيك عرش الزين من الراس لصبوعي
يــــــــا ريــــم تربـــــع وسط الفــــــوادي
يحفـــــــظك رب المــــلا من كل محسودي

لـــــولا الحيـــــا ورمســــــة العـــــــذالي
لاصيــــــــــح باسمك وانشد شـــــــــعوري
قـــد لي ليلتيــــــن سهـــــــــران بهالليالي
ما ذقت طعم الهنى ولا زان لـــي نومــــــي
من يشفق لحــــــــالي من يعلم الخافـــــي
غير رب الكـــــــون عالــــــــــم بالصدوري
بوصـيك يا متـــــــعب ومشقي غـــــــرامي
وافـــــهم المعنى وما يحــــــــتوي مضموني
يا غنــــــــــــاتي محد يذل فالــــــحب شاري
ولا حــــد يبيع قلب به حــــــــــب مصيوني


.
.

جميع الحقوق محفوظة
الغر الحشيم 2009

19 thoughts on “محد يذل فالحب شـــــآري .. .. من قصايدي”

  1. صح لسانج

    وصادقه محد يذل فالحب شاري

    وعز الله انج يبتيها ع الوتر

    يعطيج العافية وإلى الامام

  2. محد يذل في الحب شاري

    مشاعر واحاسيس اكثر من راااااااااائعة

    والاجمل محاولة بلورته كشعر

    اللي كتبتيه ينم عن شجاعة

    معظمنا يقول بيتين ولو ما حس انهم موزونات خلاص مايكمل

    اكتبي مثل ماقالوا اخواني

    مشوار الالف خطوة يبدأ بخطوة

    وما شاء الله عندنا شعراء واااااايدين طلعوا في المنتدى بيساعدوج

    ومن اروع لاروع اختي (……………….)

    you know


  3. راي الاخ R.p.g صحيح ولكنه محبط

    القصيده فيها احاسيس جميله لكن القصيده مرقعه من كل حدب وصوب

    ركزي على الوزن والقافيه .. لانهم الاساس

    واعرضي القصيده على ناقد او شاعر قبل طرحها

    وبالتوفيق يالغر الحشيم وفالج السيكل قصدي البيرق

    هلا اخوية كبير .. >> ( الحمر )

    هي يت على محبط وبس خلها عالله .. تهديم معنوي ونفسي .. بس الحمد لله ..

    يلا عااد من كل حدب وصوب انت الثاني .. هو انا ناقصة ههههه كافي صياح وتعذيب ههههه

    انا اول الصفحة كتبت اني مجرد مبتدئة ولا اطلق على نفسي شاعرة واعيد واقول انها مجرد محاولات .. وان شاء الله اتمكن من صياغتها بوزن وقافية

    فالي السيكل هاا .. هالسيرل بصبغه احمر وبتنردف انت فوقه بنطرشك صوب البريمي .. ههههه

    مشكور كبيروو حيآك الله ..

    كل يوم ايجي منا .. انجين

    __________________


  4. ماشاء الله عليج


    مضمون جميل وكلمات رائعه……


    ولكن تحتاج للقليل من الوزن والقافيه


    بانتظار شاعره واعده تثرينا بأحاسيس مرهفه …….


    بالتوفيق ان شاء الله

    تسلمين يا اختي قوافي ..

    وردج عليي يشجعني على اني ابدى فقصيدة موزونة بالفعل ..

    وان شاء الله قريب بكتبها …

    الله لا هانج عالمرور ..

    تعالي كل يوم عااد ..

    __________________

Comments are closed.