السلام عليكم ورحمة الله وبركاتة
اخواني بعد صدور القرار الاخير والخاص بوسائل الصيد تاثر كثير من الصيادين ملاك الطرادات واللنشات حيث توقفت وسائلهم عن العمل وانقطع مصدر رزقهم هذا لعدم مقدورهم للخروج الي البحر لاسباب عدة
وهناء نتسائل اليس من هولا ان يتم تعويضهم بسب تضررهم وعدم مقدرتهم على تشغيل او بيع وسائلهم البحرية مع العلم بانة عند الرغبة في ايقاف عمل التكاسي الخاصة طرحة عدة اقتراحات لتعويض اصحاب التكاسي اليس الكل سواسية مع العلم بان الصيادين احق باي تعويض راى للنقاش
كل شي ممنوع الحين مافي فايده
حتى محد اييب سمج في السووق الحين خف مب شرات قبل اخر شي بيتمون ياكلون دياي هههههااي
الله كريم
قانون لفترة مؤقته والعملية تنظيمية لأنه الصيد الجائر أثر على الحياة البحرية بصورة ملحوظة
أنا أتوقعها عملية إنتقالية لا أكثر ولا أقل
المشكلة كل من ياك تاح غزله وشخل البحر والمهنده مش مقصرين
يالربع لو حد بيبيع رخصة صيد رخيصة قولو لي
صدقت والله يالذيب سرحان 1
مساكين اهل البحر ، نحن في بوظبي اكثر الامارات تضرر الرقابه شديده علينا لتطبيق القانون ، وطرادات البيئه والشرطه وخفر السواحل اكثر عن السماجه والهواه ، وحالنا مثل العومه تقول ان غفيت كلني الطير وان دميت كلني السمج ، المهم انا اتمنا ان ينظمون هذي العمليه لانه ياجماعه تراه والله العظيم في بيوت مفتوح وعايشه على خير البحر مثل المزارع ، اتمنى يسولهم اسهم او مبلغ بسيط على رخصهم ويراجعون قانون الصيد اللي المالك لازم على الطراد في طلعت الصيد ولا تراه كل العالم بتطلب تقاعد او استقاله ونحن بروحنا تدخل المكاتب الحكوميه تحص 7 وافدين و نص مواطن موجود ، الله المستعان