شحالكم اخواني وخواتي
بغيت اشوف مواقفكم لو استوالكم شرات ما استوالي اليوم
ياني اتصال من يدتي وانا في الدوام حوالي 7 مرات متصله
انا قلت عسى ما شر شو مستوي
اتصلت فيها تقولي انتي وينج ترى ولد خالج استواله حادث وهو تعبان وايد
وانا وين ومتى وكيف
تقول ما ادري امج خبرتني
اقوم واتصل على اميه ما ترد اتصل على اخواني وخالتي وكلهم محد يرد
فقلت لا لازم اسير اشوف السالفة
واظهر من الدوام وسقت من الشارجه لام القيوين وصلت القيج ل200 من خوفي مع اني طول الوقت انا اتصل لين ما وصلت
وادخل البيت واشوف كل اهلي يالسين ويسوالفون يقولولي شو بلاج ليش راده من وقت
اقولهم نعم ليش انتوا ما تردون على اتصالات حرقت تيلفوناتكم الي يقول تيلفون في الغرفه والي مخلنه صامت والي ما سمعه
وتيلفون البيت الحبيب ولد اختي الصغير شال الفيشه عنه
اقوله شو فيه ولد خالي شو صحته الحين
يقولون ليش شو فيه هو اقول معقوله ما تعرفون مب استواله حادث
يقولون لا بعيد الشر عنه اخوي قال من قبل شوي مسكر عنه
بعدين عيل يدتي تقول مسوي حادث ترد اميه وتقول الله يهديها اميه انا اقولها الهندي الي عنده استواله حادث بسيط وانكسرت ايده وهو وياه في المستشفى ساير مودنه
هنيه انا ما عرفت شو اقول يعني الحين علشان يدتي ما سمعت وهم ما ردوا عليه كنت عادي اروح فيها وصدق يستوي الحادث بس انا بكون الضحية
با الله عليكم لو كنتوا مكاني شو بتكون ردت فعلكم ؟؟!!!!
وهل جد مره مريتوا بالي مريت فيه وشو سويتوا؟؟!!
اتريا ردودكم
اختكم
بنت الأمارات
تسلم اخوي والي صار لي درس علشان مره ثانية اتحكم ولا اتصرف تصرف عشواي
والله يا اختي انتي في البداية ما تتلاميني بس في النهاية اللوم العنيف بيكون من نصيبك….. كيف؟؟؟؟
اولا لك كل الحق انك تقلقي علي ولد خالك انه استوى له حادث و بعد لازم تطمني عليه و في اسرع وقت ممكن و اللي سويته من دافع الخوف و المحبة اللي بين الاهل و الله يديمها بينكم
لكن في شئ تتلامي في ليش تسوقي على 200 و هل وصولك في اسرع وقت بيغير من الامر شئ و هل حد بيلوم عليك ليش تأخرتي و اذا ما رد حد من اهلك عليك هذا ان دل على شئ انهم مشغولون بشئ كبير و لازم تقدري ذلك اذا كنت عرفتي انه سار حادث و بالتالي الكل بيكون مشغول خاصة الريايل
الحمدلله الله ستر و ما سويتي انتي حادث لكن لاقدر الله و لو سويت حادث و سار لك مكروه او انك اتسببتي في حادث مع حد من السايقين عالدرب شو ذنبه هو ؟؟؟؟ او انك دعمتي حد و مات او سارله شئ كبير شو ذنبه ؟؟ منه بيعذرك !!!! ما حد ……..بل الكل بيلوموا عليك
صح
في الافضل في حالات سماعك اي خبر من هالنوع لا قدر الله لازم تتحكمي في اعصابك و تحمدي الله على كل شئ و تخلي حد من اخوانك يي و يشيلك من الدوام لانك ما تقدري تسوقي و انتي حزينة و تفكري او حد من زميلات العمل او انك تسوقي شوي شوي كانك تتعلمي السواقة لين ما تصلي
و اسمحيلي اختي عاللوم بس لاني اخاف يصير لك مكروه بدافع المحبة و الخوف عالغير و انتي ما تدري
و نصيحة
اجعلي من يتحكم بك عقلك لا قلبك
و حمدالله على سلامتك و سلامة ولد خالك و سلامة الهندي المصاب و يارب ما تشوفوا جميعا شرا قط
الله يسلمك من كل شر اخوي
هذا كلام الواحد العاقل اللي اعصابه هاديه …. يا حظج يا اتحاديه (اخاف احسدج)
اختي uae girl الحمدلله على سلامتج بعد هالسرعه اللي كنت تسوقين فيها
حبتج العافيه الغالية ويشهد الله اني احبكم واعزكم واعتبركم شرات اخواني وخواتي
من ناحية الهزابات الله لا يعودها ان شاء الله ما بسرع وبنتبه مره ثانيه وانتي عزيزه وغاليه عليه بعد