شحالكم اخواني وخواتي
بغيت اشوف مواقفكم لو استوالكم شرات ما استوالي اليوم
ياني اتصال من يدتي وانا في الدوام حوالي 7 مرات متصله
انا قلت عسى ما شر شو مستوي
اتصلت فيها تقولي انتي وينج ترى ولد خالج استواله حادث وهو تعبان وايد
وانا وين ومتى وكيف
تقول ما ادري امج خبرتني
اقوم واتصل على اميه ما ترد اتصل على اخواني وخالتي وكلهم محد يرد
فقلت لا لازم اسير اشوف السالفة
واظهر من الدوام وسقت من الشارجه لام القيوين وصلت القيج ل200 من خوفي مع اني طول الوقت انا اتصل لين ما وصلت
وادخل البيت واشوف كل اهلي يالسين ويسوالفون يقولولي شو بلاج ليش راده من وقت
اقولهم نعم ليش انتوا ما تردون على اتصالات حرقت تيلفوناتكم الي يقول تيلفون في الغرفه والي مخلنه صامت والي ما سمعه
وتيلفون البيت الحبيب ولد اختي الصغير شال الفيشه عنه
اقوله شو فيه ولد خالي شو صحته الحين
يقولون ليش شو فيه هو اقول معقوله ما تعرفون مب استواله حادث
يقولون لا بعيد الشر عنه اخوي قال من قبل شوي مسكر عنه
بعدين عيل يدتي تقول مسوي حادث ترد اميه وتقول الله يهديها اميه انا اقولها الهندي الي عنده استواله حادث بسيط وانكسرت ايده وهو وياه في المستشفى ساير مودنه
هنيه انا ما عرفت شو اقول يعني الحين علشان يدتي ما سمعت وهم ما ردوا عليه كنت عادي اروح فيها وصدق يستوي الحادث بس انا بكون الضحية
با الله عليكم لو كنتوا مكاني شو بتكون ردت فعلكم ؟؟!!!!
وهل جد مره مريتوا بالي مريت فيه وشو سويتوا؟؟!!
اتريا ردودكم
اختكم
بنت الأمارات
شو اسوي هيه اتصلت وخبرتني ويمكن لانه مكان عملي صوب بيت خالي
ويمكن لانها ما تعرف تتصل الا على رقمي
ان شاء الله الغالية ما بسرعه وعد الحر دين عليه
أول شي سواقتج 200 أكبر غلط لانه محد بيفيدج لو استوى لج شي لاقدر الله بعديين انتي مب بايدج شي لو هو مكتووبله شي يعني سيييرتج البيت مامنها فايده اطمني عليه من حد من هله اخته اخوه اي حد بس مافي داعي تخليين دواامج حتى لو كنتي متحمسه
انا لو مكانج بحاتييه صح بس مابخلي حد من هله مابدقله واخر شي امج عسب تتاكديين لانه ساعات العياييز يفهموون الكلام بالعكس وطبعن ماتقدريين تنازعيين ولا تهزبيين لانها يدتج
والله يعينج
الله يعينج انا ما كدني سرت ام القيوين بس يقولون محطين 3 رادارات متحركه
كل رادار 12 نقطه =12+12+12=36
بيحطونج انتي وسيارتج فالحجز
تستحقين سلامته وسلامتج
وان ثاني مرة سرعتي
بخبر يدتج عليج