لو كنتوا مكاني شو بتسون

49 thoughts on “لو كنتوا مكاني شو بتسون”

1. يمكن صح من الخوف تظهرين من دوامج

   لكن انج تسوقين 200 .. هذا الشي اكبر غلط ..

   يمكن تقولين حزتها ما فكرت في شي ..

   لكن المفروض كلنا يكون عندنا حسن تصرف في مثل هالمواقف ..

   و الحين بصراحه ماظن تقدرين تلومين حد ..

   بس غريبه الكل ما يردون عـ التلفون ..

   الله المستعان ..

   الحمدالله جت سليمه ..

2. الحمدلله على سلامتج وماتشوفين شر

   أن شاء الله المرات اليايه تتجنبين مثل هذي الموقف

   بخطوات أكثر حكمه

   حتي لو قدر الله صار شي لا تعالجين الخطاء بالخطاء

   كم من عزيز راح والسبب كان السرعه

   وكم من عزيز راح وكنا بعيدين عن المنطقه وتحكمنا باعصابنا وسرنا بحسب القانووون

   (الله يرحمهم)

   لا تتركين العاطفه تسيطر على العقل

   ودمتي بود وسلامه

3. كلامي نفس كلام الغر الحشيم يعني شوه بتسوين هلج وخوانج عنده لا سمح الله صار الي قالته يدتج يعني بتريا لو نص ساعه حد يرد لو محد رد بطلع على راحتي مب لازم 200 …

   الله يهديج لو صورج رادار ههههههه مابنقول حادث بعيد الشر ان شاء الله يعني نفرض صورج رادار على هالسرعه تعرفين شوه بيسوون ؟؟؟

   ههههههه سوي search وبتعرفين

4. حتى لو ولد خالي مسوي حادث ..

   ما بطلع من الدوام وغيره لان اخواني موجودين وخوالي وعمومتي وغيره من الراييل ..

   يعني لو رحتي شو بسوين ؟؟

   كان المفروض ما تسرعين وتترين لين حد يرد عليج .. وتيلسين تدعيله واتجابلين شغلج وتخلين هالامور عند الراييل هم بيجابلون الريال ..

   عالعموم حاولي ما تتسرعين مرة ثانية خاصة في امور الحوادث وغيره ..

   حيآج الله

5. شو الي يخليج تسوقين 200 كنتي بتغيرين الي صاير ,,,؟
   وذا كان صاير اله حادث بسيط انتي بتسوين حادث كبير

   بغض النضر من الي صار خطاكي اكبر من كل الي سوته جدتك

Comments are closed.