للجادين فقط

السلام عليكم ..

عدنا مرة ثانية وانا ان شالله بحاول اكون وسيط ( يعني دلاله بالمعنى الأصح )
بس اللي في خاطره رقم ( ماعدا أبوظبي ) لأن التنازل مب مضمون ، يكتبلي الرقم
وانا ان شالله بحاول اوفره بسعر مناسب .. واذا ماقدرت بخبر العضو اني ماقدرت
واللي بوفره بتواصل ويا العضو اللي طالب الرقم ونتمم الاجراءات ..

شروط عامة :

  • العمولة بتكون 10% من قيمة الرقم أو 500 درهم (أيهما أعلى)
  • أنا ما اشتري أرقام أو أقيم أرقام
  • في حال توفير رقم ورجع الشخص في كلامه وماشتراه يدفع 100 درهم لأني أتعب وأدور وآخر شي يقولون ابوي ماطاع اخوي ماطاع الرقم غالي (مع اني اتنازل عن عمولتي احيانا عشان اساعده في قيمة الرقم)
  • طريقة الدفع تكون عن طريق تحويل المبلغ عالصراف أو على الحساب البنكي وبعد ما يتسجل الرقم باسمه بطرشله الشهادة الأصلية سكان أو بالبريد السريع (واللي يقول شو يضمن لي ما يطلب لأني اتعاملت مع أعضاء واللي يبا يسألهم بعطيكم أسمائهم ) لأني ما انصب ولا أبا الحرام ولو باقي ريال برجعه لصاحبه
  • في حال رغبة أحد التجار بتلبية طلب لأحد الأعضاء عن طريق موضوعي باخذ نسبة 2% من قيمة الرقم
  • لعدم الاحراج ما أوفر أرقام بوظبي حتى لو صاحبها يقدر يحصل تنازل ..
وأشكركم على حسن تعاونكم

29 thoughts on “للجادين فقط (في خاطرك رقم وتدوره ؟؟ أنا بحاول أوفره لك)”

  1. general-uae .. اخوي الرقم 1992 من الارقام اللي مخصصتها المرور للمزاد واذا ماخاب ظني بعده ما صرفوا كود جي لان المتوفر الحين وينباع كود اتش .. فالسموحة منك غير متوفر ..

    D 82222 .. اخوي اسمحلي بس الرقم اللي تباه من الارقام المجانية ومب متوفر عند اي تجار او موقع او جريدة او مجلة .. راجع المرور واذا موجود بيصرفونه لك ببلاش ..

    عيون الملك .. السموحة ياخوي بس انا ما شتري ارقام ، واذا قصدك انك تبا شراتهم خبرني عشان ادور

    حبيب_الكل .. هاي الارقام كانت ببلاش وتوه من جريب يبيعونهم في المرور بفلوس .. بس ان شالله بدور وبخبرك ..

Comments are closed.