للبيع نيسان فتك 2002

27 thoughts on “للبيع نيسان فتك 2002”

1. كيف تم البيع ممكن افهم اذا لين الساعة 7 المساء وياك يالسين نفحص الموتر !!!و الساعه 9 تم البيع ؟؟؟ تستهبل شو ؟؟؟؟

   و عقب اتفقنا و قلنا تم و كل شي اوكي و يوم حبينا انحول قتلي الموتر باسم الاهل و لازم اسير اتيبهم و قتلك اوكي و انا اترياك و اخر شي يوم اتصلبك ماترد علي !!!!!!! اتسميها مريله انك ماترد عل رياييل ؟؟؟

   يوم اهلك ماعلموك اسلوب التعامل ويالناس انا شو ذنبي ؟؟؟؟؟؟؟؟؟؟؟؟ بس حركة مب حلوه ترا و انا كاتب فل عام عسب الناس ايعرفون انه في شراتك وايد ناس …

   عل عموم معني دفعت و فحصت !! هازين ماعطيتك عربون جان شردت و مارديت علي بعد !!!!

   طز فلموتر بس اهم شي رد عل رياييل !!!

   الله يعينك يا اخويه، ما شي مصداقيه ولا جديه، انا بعد استوتلي حركه وصخه فالمنتدى، واحد عارض فتك و مادحنه مدح و كاتب صبغة الوكاله و تواير يداد و يوم شفته عالطبيعه مدعوم و مصلح و مصبوغ و التواير تاريخها 2006 و بدون نقشه و هو كاتب توني مركبنها!!!

   الله المستعان

2. اللة يعطيك خيره يمكن اللة ما اراد ولا غير رااايه بعد معاك حق الحركة مب حلوة

   اخوي شي استيشن للبيع موديل 2007 نظيف حالة وكالة اذا خاطرك فية هذا رقمي 0503241818

3. يا اخوي هد أعصابك ..يمكن انت قلت سعر … واللي بعدك قال سعر أكثر ..فهو شاف السعر الأنسب له وباعه ..

   بس ان ما يرد عليك ..تطمن ..في ملايين جي ..

   انا اتصلت بواحد يبي يبيع موتره واتقفنا معاه عالمكان والوقت ..

   وعالموعد اتصلت به على أساس أقوله اني أترياه فالمكان المتفق عليه ..

   رد.. قلت له انت وين ..قال أنا ويا الربع ف راس الخيمة ..

   يا خي مودني الشارقة وفي وسط الزحمة ..آخر شي تقولي انا ويا الربع

   ما أقول غير الله يراويه بنفس اللي سواه فيني ..

   ( بس حبيت أقولك شي واحد ..عيب تييب طاري أهله ..ترى اللي ما ترضاه على أهلك لا ترضاه على أهل غيرك بارك الله فيك )
   انا معاك انك معصب ..بس الكلام اللي قلته عيب ..قول اللي تبى تقوله للريال نفسه ..بدون طاري أهله ..

   وانت هد أعصابك ..واذا مب هالفتك ..غيره ان شاء الله ..

4. يالله انشالله يكون من نصيبك هالمره

5. ههههههههه ولله قهمر لو اشوفه ادعمه

   وسع خاطرك يا امبيرور وهذا هو فتك 5152 حصلك موتر

   وذا بخاطرك ب 2004 قير عادي اتصل وما يسير خاطرك الا طيب 0508181843

Comments are closed.