الاخوان الاعزاء
دخلنا شهر مارس و ماحد يعرف شو مصير شركتي املاك و تمويل و هذي المشكلة مب اول مشكلة تصير نفس الشي اتكرر مع عدة شركات و نفس الحالة بيوقفون الشركات عن التداول و يذلون المستثمرين و اخر شي مافي تعديل او تغيير بس تحفظ الحالة و الخسران دائما المستثمر الفقير …………….
ليش ما يكون في افصاح عن مثل هذي الامور ليش تاخذ كل هذا الوقت من المختصيين و اذا كانوا يعرفون انها راح تاخذ وقت ليش ما ينبهون من البداية ان في مثل هذي الحالة الفترة الزمنية راح اتكون طويلة …………. بيون في اخر الفترة و يقولون نريد فترة زيادة و زيادة واخر شيء ما عرفنا او ماقدرنا
مع احترامي للجميع
اللي مخوفني من السالفه ان المشرفين يزعلون على كثر ما تكلمت ف هالموضوع…مظلومين يا ارباب تحملونا
المهم المحامي موجود وما بيكلف كل واحد منا الا500او بالكثير 1000درهم
لكنه يبا اكبر عدد من الشكايين ما يقل عن 20 شخص عشان يكون موقفنا قوي
وبداية بيحاول بشكل ودي مع السوق والشركتين وان ما لقا حل بيرفع سلاحه (القضيه)
صدقوني بنستفيد ع الاقل بتحدد قيمه حلوه للسهم من قبل الشركه الجديده وبيطمنونا بارباح زوينه كل هذا بيكون رسمي لان السالفه فيها محامي
اخت مهره احنا لو حطينا فلوسنا في البنك وديعه كنا اخ1نا لا يقل عن 7% ارباح
مو مثل النصابين املاك وتمويل شلوا فلوسنا وانخشوا
حسبي الله ونعم الوكيل فيهم
اضم صوتي لصوتكم وانا قمت واتصلت شركة تمويل وحاولت اكلم احد كبار المسئولين لكن ما حصلت احد يرد علي وقدمت شكوى للموظفة وهددت برفع دعوى على الشركة . مجموع اسهمي : 393000 تمويل
ارجوا التنسيق والاتفاق على رفع دعوى على الشركتين وتوحيد المطالبة وذلك لحجز اموال الشركتين عن طريق الحكم المستعجل ( تحفظي ) ثم مباشرة الدعوى العادية وتكييفها اما قضية تجارية او مدنية
10900 سهم في املاك بسعر 7 دراهم
320000 املاك