الاخوان الاعزاء
دخلنا شهر مارس و ماحد يعرف شو مصير شركتي املاك و تمويل و هذي المشكلة مب اول مشكلة تصير نفس الشي اتكرر مع عدة شركات و نفس الحالة بيوقفون الشركات عن التداول و يذلون المستثمرين و اخر شي مافي تعديل او تغيير بس تحفظ الحالة و الخسران دائما المستثمر الفقير …………….
ليش ما يكون في افصاح عن مثل هذي الامور ليش تاخذ كل هذا الوقت من المختصيين و اذا كانوا يعرفون انها راح تاخذ وقت ليش ما ينبهون من البداية ان في مثل هذي الحالة الفترة الزمنية راح اتكون طويلة …………. بيون في اخر الفترة و يقولون نريد فترة زيادة و زيادة واخر شيء ما عرفنا او ماقدرنا
مع احترامي للجميع
لماذا لا يقوم المساهمون الذين اصبهم الضرر بالتظاهر و الاعتصام أمام مقر الشركتين و عدم المغادرة حتى يتم توضيح الموقف و لا يتم فض الاعتصام إلا بعد تعهد إدارة الشركة و أقصد رؤساء مجالس الادارات و ليس الموظفون العاديون بالتعهد بحل المشكلة أمام الصحف القومية أو من خلال القضاء .. رؤساء مجالس الادارة ليسوا أنبياء و يجب محاسبتهم
متى ياتي الفرج
تعبنا وفلوسنا معلقة
حسبي الله ونعم الوكيل
تحياتي….
كيف ما فيه جهه نلجأ لها يا خوي…
فيه المحاكم مشرعه بيبانها بس احنا مب راضين نتحرك…
والشغله جدا بسيطه ولا تخوف..
المتضررين يوكلون محامي وهو يتولى الموضوع..ورسوم المحامي ماظنيتا تتجاوز ال30الى50الف
يعني كل واحد فينا ما بيحط اكثر من 1000
واللي تفاعلوا ويانا من المتضررين ماشاء الله بالعشرات…
والله لو ما كنت اشتغل ف بوظبي وعندي رصيد اجازات كان توليت الموضوع..
ونداء ليس بالاخير يا جماعة الخير لازم واحد فينا يتولى الموضوع ويجمع اصواتنا ويتواصل مع المحامي
صدقوني يا اخوان اللي قرا تصريحات مدير تمويل بتنبط كبده…مع العلم ان له تصريحين خلال 3ايام متناقضين
مستحيل يستوا بنا جذيه لو ان مسؤولين الشركتين عرفوا انا ما بنخلي حقنا…
مستحيل مثل هالسالفه تستوي في الغرب اللي اكثرنا يقلدهم ف كل شي
نتمنى حل المشكلة قريبا
السلام عليكم ورحمة الله وبركاته
اخووكم عنده 150000 الف سهم املاك
حسبي الله ونعم الوكيل