الاخوان الاعزاء
دخلنا شهر مارس و ماحد يعرف شو مصير شركتي املاك و تمويل و هذي المشكلة مب اول مشكلة تصير نفس الشي اتكرر مع عدة شركات و نفس الحالة بيوقفون الشركات عن التداول و يذلون المستثمرين و اخر شي مافي تعديل او تغيير بس تحفظ الحالة و الخسران دائما المستثمر الفقير …………….
ليش ما يكون في افصاح عن مثل هذي الامور ليش تاخذ كل هذا الوقت من المختصيين و اذا كانوا يعرفون انها راح تاخذ وقت ليش ما ينبهون من البداية ان في مثل هذي الحالة الفترة الزمنية راح اتكون طويلة …………. بيون في اخر الفترة و يقولون نريد فترة زيادة و زيادة واخر شيء ما عرفنا او ماقدرنا
مع احترامي للجميع
أنا عندي اسهم الحورية ايام ما كانت بنت خالة اعمار ، الله يرحم ذيك الايام ايام الخرابيط
ان شاء الله خير يا اخوان
طويل العمر , ابدا ما هنا خوف من أي شي ولكن حبيت اضحك معك واخوانك زوار موضوعك الراقي من باب شر البلية ما يضحك. واقصد بالبلية هنا اللجان المتكررة والتي تدور في حلقة مفرغة والتي تؤكد ان قرار الدمج تم اتخاذه بعشوائية شديدة وبدون خطة مسبقة الأمر الذي وضعنا نحن حملة الاسهم في وضع لا يحسد عليه.
انا بطبعي اتخذ من الابتسام والضحك زادا لتحمل الامور حينما تستفحل.
تحياتي لشخصك الكريم وامنياتي ان يزيل المولى الغمة ويستبدلها بخير , فصبر جميل , ابتسم فأنت في سوق دبي المالي.
ملاحظة: انت بالذات انا راح اجيب لك بقلاوة مش عيش و حلاوة
الاخ منكاش
بما انك اخر من فتح الموضوع..شرايك لو نتواصل وياك واذا رفضت الدعوه موجهه الى حصناوي او صاحب اكبر كميه
ترا السالفه مافيها مشاكل ولا مسائلات تخوف والله لو عندي الوقت واقدر افيد عمري واخواني كان ما تاخرت
والله حرااام والسكوت على هالناس واعطائهم فرصه بعد حرام هذا مال عيالكم لا تتهاونون
بأمانه الله يعينكم الواحد كل ما يتذكر خسائره وفي نفس الوقت يتذكر الناس المتعلقين في هالسهمين يقول انا وين وهم وين
يارب فرج عنهم