السلام عليكم ورحمة الله
شباب انا عندي استفسار بخصوص برج سكاي تاور الي بمدينة المرموقة على شارع الامارات بامارة عجمان
الي لاحظته انهم لين الحين ما بدأو بالانشاء .. اللهم انهم حاطين سور حديدي بس عسب يحددون مكان البرج وغير هذا ماشي …
وصارلي تقريبا 6 شهور اسألهم متى بيبدون يقولون الشهر الياي … ولين الحين بعدهم ما بدوا … مع العلم اني دافع لهم 110.000 والي هي 3 دفعات كل دفعه 5% من قيمة الشقة
اتمنى من الي ماخذين شقق بهالبرج يردون علي عسب اعرف وين وصلت له الامور … وحتى نقدر نتجمع ونوكل محامي يرد لنا بيزاتنا اذا كانوا ما بيبدون بالمشروع …. لانا بهالحالة متعلقين … لا انا لقينا بيزاتنا ولا انا حصلنا شقة
والسموحة على الاطالة وبانتظار ردودكم
الشركة الحرامية قالوا لي تعال واستلم شيكاتك القديمة ولا تخاف ما بنصرفها ونبا شيكات يديده والبارحة حاولوا يسحبوا من حسابي بس ما كان فيه رصيد ويوم اتصلتلهم قالوا لي بالغلط ونحن بس كنا نبا نسحب شيك واحد وكلام فاضي
الحين يا اخوان اذا شيكي ارتجع يقدروا يطالبوني قانونيا؟؟؟؟
وشو اسوي اعطيهم شيكات يديده وهم بعدهم ما بدأو في المشروع؟؟؟
ارجو النصح
الحساب المفتوح لم يعتمد بعد لان المبلغ المطلوب غير متوفر فيه وهم لم يودعوا اي مبلغ بالحساب والشركة تماطل فقط وهي على حافة الانهيار اذا لم تنهار فعلا
حتى لو فتحوا حساب
بعدهم ما بدأو في المشروع وتبونا نبدأ نعطيهم دفاع مرة ثانية وهم لا بدوا بالمشروع ولا احنا عارفين بنواياهم
لا تستعجلوا وتمشوا ع كلام المطورين يا اخوان
اخوى انا مصدقك لكن هل الحساب فيه قيمة 25%من قيمة المشروع او لا؟ او مفتوح بالف درهم فقط حتى يلعبوا بالناس بمزيد من الفلوس . اول شىء تأكدوا كم مدفوعة من قيمة المشروع فى الحساب. و السموحة اخوى
نعم تم فتح حساب الثقه قبل اربعة ايام اخوي
وهذه معلومات الحساب ويمكنك التأكد
اسم الحساب :
Escrow AC Sky Tower Swan Real Estate
رقم الحساب :
001582007769901