لا تبخلون بتجاربكم يا اخواني .. شو هي أفضل أنواع الأجهزة الالكترونية ؟

18 thoughts on “لا تبخلون بتجاربكم يا اخواني .. شو هي أفضل أنواع الأجهزة الالكترونية ؟”

1. يزاك الله خير اخوي على نصيحتك ابداُ ما قصرت
   صراحة قمت اميل لمكيفات جنرال عشان الكمبريسر ماله اكبر من الميتسوبيشي وان المتيسوبيشي اييك بـ لوتري وبعد في مكيفات ثانيه اسمها ( وايت ويستنق هاوس ) وهاي الكمبريسر مالها امريكي وبعد يمدحونها ونحن مجربينها في البيت
   وان شاء الله بمر ع المحلات لي ذكرتها
   بس عن التلفزيونات صراحه ناوي اخذ سامسونج من صناعية الشارجه من هاي اللي ييبونها من اوروبا ، بس ما ادري هل فيها عيب ؟ واذا حد مجربنها يخبرنا رايه فيها ؟

   بس شورايكم في ماركة AEG الالمانية وتييك بس صناعة المانية وهي اسعارها غاليه لو بتقارنها بأسعار الماركات الآسيوية حصلتها في محل اسمه يونفيرسال عند شيليز اللي ف القرهود وعند ايلابكو وكيل الجنرال وصراحة يوم رمست المندوب مالهم اقتنعت بكلامه وانها تستاهل سعرها خاصه انها ماركة ألمانية

   شو رايكم فيها ؟
   بس المشكلة ما سمعت ان حد مجربنها واشوف ان اكثر الناس يستخدمون الماركات الاسيوية

   وايت ويستنق هاوس ما اقدر افيدك فيها لاني ما جربت منتجاتهم

   و عن التلفزيونات سامسونج ممتاز و اعرف شباب شارين من الشارجه و يمدحونها

   قبل ما تاخذ من الشارجه مر على اي مكان يبيعون فيه سامسونج و خذ ارقام الموديلات و اسعارهن و قارنهم باسعار الوارد الاوربي و تاكد من موضوع الضمان

   عن محل يونفيرسال انا داخلنه كم مره و شايف بضاعته مخلوطه بين المتتاز الى التعبان و اسعارهم غاليه على الفاضي

   AEG ما اقدر احكم عليها ….. ماركه غير معروفه في السوق

   بعطيك الخلاصه

   اي شئ يشتغل على كهرباء ——> ياباني او كوري

   افران غاز ——> الماني او ايطالي

   افران كهرباء ——> الماني او امريكي

   مكيفات ——> اوجنرال او كارير الامريكي ( تجميع امريكا و ليس تجميع اي مكان ثاني )

   اثاث ——> مصري او باكستاني او هندي

   ——> ابتعد مسافه كيلو عن الصناعه الصينيه في هذه الامور

2. الله يسلمك يا اخوي

   صدقك الاسبليت يادي بالغرض لكن بيخرب لك الجدار يوم يخر ماي

   نعم الشيخ مب الا اليدار بس بيخترب عندنا نحن في البيت كبتات اختربت بسبة هالمشكلة وانا أشوف الاخير أن الواحد ما يحط المكيف فوق الكبت او الشبرية بس يقولون ان المكيف يخر ماي يوم ان التوصيل ماله يكون مب مضبوط او يوم البيب مال الماي ينسد !! صراحة مب مقنع هالكلام وهاي عن تجربة مكيفات ال جي و وايت وستنق هاوس اما في ناس ابدا ما يشتكون من هاي المشكلة
   وفي شي ثاني احيانا ضبط المكيف هو اللي يسبب لك مشكلة عندك مكيف المتسوبيشي الكتريك اعرف ريال ماخذنه يديد وبعد فترة بسيطة قام يثلج المكيف ومن ياب مال الشركة خبروه ان المكيف يوم تضبط الهوا ماله ع البارد وايد يعني اعلى درجة لازم تضبط قوة دفع الهواء ع العالي اما اذا ضبطت الهوا بارد وايد والدفع خفيف بيثلج المكيف وبعد تجربة هالشي انتهت المشكلة فيحتاي نسأل عن هالامور قبل الاستخدام

   يزاكم الله خير

   بانتظار مشاركات وتجارب باقي الاخوان

3. السلام عليكم
   بلنسبه للمكيفات الميتسوبيشي احسن شي بس لازم يكون الكبريسور من نوع البستن وليس روتري
   في التبريد وضغط الهواء كمبريسر البستن افضل من الروتري
   روح عند اي محل لتصليح المكيفات وبيخبرك
   وبتوفيق

   عليكم السلام ورحمة الله وبركاته اخوي

   يزاك الله خير صراحة هاي معلومة يديده يحتاي اسأل عنها بس المشكلة يا اخويه ان اصحاب المحلات ابدا ما يوضحون لك هالامور ولا يعرفون عنها حتى

   ع العموم يزاك الله خير الشيخ

   وين باقي الاخوان ؟
   نتريا مشاركاتكم

Comments are closed.