شحااااالكم جميعاً ..

طبعاً كل واحد منا عنده في حياته شخص عزييييييييييييز على قلبه .. باختلاف طبيعة العلاقة الاجتماعية المبنية ..
وشي أكيد إنك تحاول تفهم هالشخص اللي قدامك من جميع النواحي عشان يفهمك .. وبالتالي تستمر العلاقة صح وبشكل سليم ..

لكن أحياناً .. تمر علينا لحظات تكون قلوبنا محملة برسالة لهذا الشخص ..ويختلف محتوى الرسالة بحسب الموقف الذي نواجهه أو مكانة هذا الشخص لدينا.. وقد يكون الهدف السامي للرسالة هو استمرار العلاقة بالشكل المطلوب والمريح للطرفين..

لكن كثيراً مايعجز اللسان عن قولها .. أو التصريح بها.. لعدة أسباب ،، قد يكون التردد أو الخجل أحدهما .. أو أننا نخشى من رد فعل سلبية من قبل الشخص المستقبل للرسالة ..

ونضطر لاستعمال طرق وأساليب أخرى لإيصال الرسالة له ليفهم على الأقل مغزاها ونكون بانتظار الجواب منه ..
سؤاااالي هو:

1- شووووووو هي الطرق أو الأساليب اللي تتبعها لإرسال الرسالة لشخص عزيز على قلبك؟؟
2- وإذا الانسان ما فهم رسااالتك .. شووووووو بيكون رد فعلك؟؟
بانتظااااااار ردودكم يا حلوين / حلوات ..

.

18 thoughts on “كيف توصل رسالة قلبك لشخص عزيز عليك ..؟؟!!”

  1. .
    .

    الـــهـــديـــه

    عندي ربيعتيه اللي وااااااايد أحبهااا وأحس انا وياها واحد ونشكي لـ بعض

    دووم أوديلها هديه وأكتب فيها عبارات شكر << أحب التعبير

    لأني طبعاً أستحي أشكرها فيس تو فيس :$

    وعندي خاالتيه بعد طوول ما أنا كنت ف المدرسه كاانت دووم اتي تسأل عني وهي بحسبة أمي

    كل مايسوون حفل تكريم للمتفوقات < احم كنت منهم

    كاانت دوووم اتيني ، لييين مااتخرجت من المدرسه ,,,

    وعااد أنا بعد ماخلصت ثاني سنه جامعه اتذكرت اني لازم أشكرها

    خذت لها ورده < وايد علي هههه

    وكتبت عليها خالووتي العزيزه شكراً على وقوفج ويايه طوول الايام…………………ألخ ماخليت مكان ف البطاقه

    عاااد هي استااااااااااااااااااااانست وأنا استانست يوم شفتها مستانسه :$

    والهديه تقوي أواصر المـحـبـه بس للأسف أنا نادر ماايبولي هدايا هههه

    وصح اتذكرت بعد لما كنت ف المدرسه كنت دووم أطلب من معلمتي العزيزه انها تسويلنا تهادو وتحابو

    وأصلاً الهديه لوو شووو مااااا كااااااااانت بتفرح الشخص اللي نهديه

    وتسلمين على الموضوع

    وأنا بـدوري أشكرج ، واعتبريني يبتلج هديـه

  3. مرة زعلت من بنت عمي من موقف
    بعدين يت تسلم علي ومارديت عليها السلام
    يعني باختصار غلطنا فحق بعض كلنا ..

    وانقطعت العلاقه بيننا
    وبغيت ارجع العلاقه و اتأسف واقولها انها اختي وانها غاليه ..
    بس كنت وايد مفتقدة الجرأة ..

    بغيت اتصل حسيت مابقدر اتكلم
    بغيت اطرش مسج حسيتها صعبة
    قمت طرشت لها ايميل وكتبت الي فخاطري وعلبه الكلينكس حذالي
    امسح ع عيوني وخشمي لووول

    طرشت الايميل
    عقب دقايق هي اتصلت
    واستوت المناحة فالتلفون
    وتصالحنا لول

    تسلمين ع الموضوع الطيب يالطيبة


  4. Firestar: اتفاق موفق ..

    الرمصاء: عبره راااقية من إنسانه مثلج ..

    باسويد: كلامك كله حكمة رائعه ..

    متفائلة في زمن اليأس: اتفاق في محله ..

    زهرة الريف: اختصار جميل منج يا عزيزتي ..

    مشكوووووووورين جميعاً على المرور لصفحتي .. ومشاركتي موضوعي .. وإبدائكم لأراء وحكم جميلة .. لكن مرات الإنسان لا يملك الجرأة والقوة عشان يبوح للي بقلبه..

Comments are closed.