بسم الله الرحمن الرحيم
السلام عليكم ورحمة الله وبركاته
اتمنى مشاركة الجميع
وبصراحة كم راح تعطون عيدية هالعيد
للرضع الى سنتين:
للأطفال الى سن ال5سنوات:
للاطفال من 5سنوات وحتى 15 سنة:
للكبار وحتى العشرين سنة:
للخادمات والعمال:
للكبار في السن:
للوالدين او لاحدهما:
أنا عطيت أميه خمس تلاف وهيه بكيفها خردتهم حقها بوعشر وبخمس وخمسين
بس قلتلهم انا ابغي عيدية ما يخصني
قالت الوالده سيري دوري عيدية
شكلي بفصل فستان وبسير ادور عيدية منوه بيخاويني
ناويه اسير صوب سوق دبي المالي وأبوظبي المالي يقولون هناك يوزعون عيدية اسهم ببلاش
<<<<< وايد متاثره بالأفلام الخيالية
إن شاء الله ألقـــــــــــى … عيدية …
بس هالعيــــــــــد الكل متأثر بالأزمــــــة الماليـــة ..
اعيد منو كل اللي نعرفهم مسافرين !
ما اعايد غير البشاكير و كل نفر 50 درهم
2 دريول = 100
2 طباخ = 100
2 بشكاره = 100
المجموع = 300 درهم فقط لا غير
و اتلقى العيديات بصدر رحب و روح رياضيه << بعدني اعيد ترا و دوم اسير عن يداتي من الفجر قبل لا يخلصن البيزات خخخخخخخخخ
اما امي و ابوي اعفدلهم في ويوهم من انش من الرقاد و يفهمونها روحهم لوووول
اليهال كبار ولا صغار 100 درهم الناس سواسيه عندي ..
البشاكير ولا درهم..
اما الوالده والوالد على حسب …
الوالده ان شاء الله
ناوي اخذ لها ذهب …
اما الوالد ان شاء الله بدفع له دفعه اولى للسياره …
وكل عام وانتوا بخير …