السلام عليكم ورحمة الله وبركاته
بغيت اخبر المتضررين اللي
يبغون يتخبرون عن قضية نديم
قبلا ن راعي المحفظه
اي شي تبون تتخبرون عنه سيروا
المحكمه الطابق الثاني عند
محكمة الجنح
بتكون اخر شي على اليمين
وادخلو على القاضي حازم كمال
رئيس محكمة الجنح واسالوه عن
اللي تبونه
في اي وقت هب شرط بتاريخ
الجلسه لنه يراجعونه كل يوم
الوسطاء والمتضررين
والله يقدم اللي فيه الخير
اليوم سرت له و دخلت عليه
حصلته في اجتماع وطلعت لنه
كاظني الدوام تخبرت واحد كان
عندهم قالي المحاكمه اليايه بتكون
بتاريخ22/12/2008
وتخبرت واحد مصري شفته
يدخل ويطلع على القاضي قالي
بتاريخ21/12/2008
ويله شدوا حيلكم وراجعوه
وتخبروه لين يخلص المحاكمه لنه
يوم بيشوف الناس كلها بيهتم
بالموضوع اكثر
عسب ما ياجلها كل مره
وترد الفلوس الناس
والله يعوض على المستثمرين
اللي بيسيرله ياليت لو يكتب
الاخبار في هالموضوع عسب
يستفيدون الاخوان والاخوات
نبا المشاركه من الجميع والعلوم
كلها تنكتب هنيه مانبا بس الواحد
يدخل ويقرا الموضوع ويطلع والله
ياجماعة الخير الناس متوهقه
اللي متسلف من البنك واللي بايع
حلاله واللي مايتم له من الراتب
شي واللي مأجل العرس الله يعين
ويرحم
لا من شو يستحوون خلاص شي وصار ماضن يستحون بس مابيدهم شي
مشكوره
احيد اول مانزلت الموضوع خلال يومين ماشالله 1000 مشاهد
يعني ماشالله كلهم هذيلا مايبون فلوسهم لو مستحى
لا ي واايد نااس تبا فلوسها اخوي بس ساكتين لأنها اشياء قانونيه يعني مستحيل حد فينا بيسير يضارب القاضي بيقوله ابا فلوسي الحين الحيين صح هاي اجراءات لاز تصير وغصبن عنا نتريا
زعفران هاد الجبهه و يدافع عن الجبهه الثانيه (اللي هي الأسهم). الله يعينه، زادت الجبهات عليه.
سوالف يا زعفران، لا تزعل.
بس معقوله، إن محد يالس يطالب ببيزاته غيركم. يعني معقوله كل هذيلا اللي انصب عليهم مب محتاجين بيزاتهم !!!