ما ادري انا احلم والا لا…..؟؟!!!؟؟
تخيلوا البارحه الساعه 9 في الليل ولد اختي كان واقف حذال بيت ربيعه…
ويتكلم بالتيلفون …. وشوي تحاوطوا عليه 3 نياسين ونزلوا تقريبا فوق العشرة
وعندهم شواطير وسجاجين وقبوب وتخيلوا هجموا عليه لا بارك الله فيهم
وقطعوه من الطعنات وهو وحليه يقاومهم…
طعنات بظهره وايده وريله ولا وعقبها شايتينه ومرفسينه
وكاسرين حوضه ….
حسبي الله عليهم فوق العشرة …
تهجمون على ياهل عمره 16 سنه
وعقبها شردوا …
وطاف ريال وشافه غرقان بدمه ودق الباب عليهم
تراكضوا ربعه واخوانه …
قالوا اصلا هو ما كمل 10 دقايق واقف برع
شو هالحيوانات شو هالغجر…
وين نحن عايشين..؟؟؟
وتعرفون وين صارت هالسالفه البارحه في القراين بالشارجه
وهالمرغده اونهم مسوين عصابه واي احد يشوفونه وما يعرفونه بس جذه
يضربونه…
نحن قلنا يمكن صاير شيء… صايره مشكله معاهم…؟؟ عداوه..؟؟
وولد اختي ما يعرفهم وتوهم منتقلين من ابوظبي وسكنوا بالشارجه
وما يعرفون احد وعلاقاتهم محدوده مع شباب الفريج….
وتخيلوا كيف حال اختي وزوجها وكيف حالنا نحن….؟؟؟؟!!!!
شو هالاجرام؟؟؟ ولكن الحمدلله عرفناهم من شباب الفريج
والتحريات عرفوهم… وقالوا زعيمهم اسمه حمود …
عنده سوابق… والعام بعد نفس الشيء معتدين على كمن واحد…
ولكنه طلع …. لان عنده واسطه…وتعرفون شو مسمي عمره؟؟؟
حمود ابليس…
حسبي الله عليه اسمه على اسم اشرف خلق العالمين
ورابطه بابليس….
ونحن نقول اليهود يسون هالسويات لان قلوبهم ما فيها رحمه…
لكن هاذيل …شو جنسهم؟؟
ووين اهلهم …وكيف مربينهم؟؟؟
……
هم شردوا صوب عيمان …
ولين الحين ما زخوهم..؟؟
ولكن لو شو صار محد راح يتنازل
والكل متحلف لهم؟؟؟
وتخيلوا اليوم متصل واحد منهم..
لولد اخوي الكبير… ويعتذر منه ويقول له اونه ما كنا نعرف انه من اهلكم
؟؟؟؟
تخيلوا اونه يعتذر؟؟؟ عقب ما بغوا يجتلونه ولااااا يتعذر بس لان هذا الولد يقرب لنا…؟؟!!!
يعني لو واحد ثاني ..جان الوضع كان عادي؟؟؟
لكن لو يموتون ما راح نتنازل عن القضية
لو يموتون ما راح نبرد ولا قلوبنا بتبرد
ولو كان ولد منووه؟؟
فوق العشرة على ياهل … فوق العشره على واحد
وين المريله ؟؟ وليش شاردين اذا هم مسوين عمرهم زعامه؟؟؟
ولو تشوفون ولد اختي قلبكم بيتقطع عليه…
ربي يعافيه ويقومه بالسلامه…
بعدني مب قادره اتخيل !!!!
حسبي الله ونعم الوكيل
حسبي الله ونعم الوكيل
حسبي الله ونعم الوكيل
تحذروا تحذروا من هالحيوانات …بلادنا مب امان مثل قبل…
لا حول ولا قوة الا بالله
اختكم
سهمي عالي
حسبي الله عليهم
شو نحن وين قاعدين
بعد لو حد بتقول بينهم عداوه ما عليه بس جذه منه والدرب
المفروض هايل يزخونهم و يسجنونهم و ما يطلعون بواسطة لو شو كان و ينفضحون في الجرايد والتلفزيون
امين يا رب
ومشكوره الغاليه على طيبج
لا هنتـــي
وربي يحفظ اليميع ان شاء الله
ما فـــــــــــــــي رادع
لعنة الله عليهم
وين نحن عايشين في حواير امريكا ولا البرازيل ..
لا بركتن فيهم قليلين التربية ..
الله يكون بعونكم اختي سهمي عالي
وربي يشفي الولد بالصحه
طمنينا عليه اول بأول واذا كان المستشفى الي اهوا فيه الحين امكانياته تعبانه ليش ما تطالبون ينقلونه مستشفى احسن ؟؟ وانتوا ما شاء الله عندكم مستشفيات كبيره
ولا تسكتون عن حقكم ابدا واذا ما خذيتوا حقكم شوفوا هالفلم يكفي انه الولد ما كان يهمه غير الانتقام ما احب هاي الافلام بس كنت معزوم بالسينما وشفته
قصته كانت ايام حروب وبرد ومافي اكل وكان في بنت ولد اطفال البنت اصغر . عصابة الجيش عشان ما يموتون اكلوا البنت وخلوا اخوها ياكل منها ما تخيلت الفلم كيف بس الولد كبر وراح ينتقم من كل شخص . هذا اسم الفلم HANIBAL RAISING
الي قلبه قوي ومثل قلب الولد هذا على الاقل بينتقم ويقتل المتشردين دام انه السالفه فيها واسطه ويطلعون المجرم بعد كم شهر من حدوث الجريمه
ربي يوفقكم ويشفي الولد ان شاء الله
تقبلي مروري واحترامي
دمتم في حفظ الرحمن