بسم الله الرحمن الرحيم

اليوم كان بيني وبين احد الزملاء في العمل جدال على القيادة في الدوار وكان الحديث ان طرف ثالث كان يروي استخدامة للدوار*

صاحبنا هذا كان في المسار الاوسط والشارع كان من ثلاث مسارات والدوار من 3 مخارج مثل ما هو معرف المخرج اليمين رقم 1 واذا كنت بتكمل سيده المخرج رقم 2 واليسار مخرج رقم 3 ربيعنا دخل الدوار وهو في المسار الاوسط وكان يريد الذهاب إلى اتجاه اليسار مخرج رقم 3 و كان بيدعمه واحد كان في المسار اليسار لانه كان رايح سيده ، قلتله انا انت غلطان اذا كنت تبغي تروح يسار كان الالزم عليك تمسك اقصى اليسار من قبل ما تدخل الدوار لان المسارات الثلاثة كلها متاحه للذهاب إلى المخرج رقم 2 الي هو سيده واذا كنت تبغي المخرج رقم 1 الذي هو اليمين لازم تاخذ اقصى اليمين من قبل ما تدخل الدوار واذا كنت بتروح المخرج رقم 2 الذي هو سيده بامكانك تمسك اي احد المسارات الثلاثة واذا كنت بتروح المخرج رقم 3 الذي هو يسار تمسك اقصى اليسار من قبل ما تدخل الدوار.

قام صاحبنا الي تجادلت انا وياه وقال كلامك يا بو زايد غلط في غلط وقال اذا كنت تبغي تروح يمين تمسك المسار اقصى اليمين او تاخذ المسار الاوسط واذا كنت بتكمل سيده تكون في النص فقط واذا كنت بتروح يسار تمسك اقصى اليسار اوالنص ايضاً وعلى كلامه ان المسار الاوسط حر ياخذ يمين ياخذ يسار يكمل سيده .

ارجو لرجال المرور ان يوضحوا الصوره انا غلطان او ربيعي واذا كان في رسم توضيحي يكون افضل*

65 thoughts on “قانون القيادة على الدوار ارجو التوضيح من رجال المرور”

  1. السلام عليكم ورحمه الله وبركاته

    يا اخوان النظام والقانون واضح……

    في نظامين للدوار بو 3 مسارات وكلهن يعتمدن على الأسهم الموضحة قبل كل دوار :

    النظام 1 : فمثلا عندنا في العين . أغلب الدوارت :

    1. المسار الأول (أفصى اليسار) تقدر تلف يمين أو تروح سيده.
    2. المسار الثاني ( الوسط ) سيده فقط.
    3. المسار الثالث (أقصى اليمين ) تقدر تروح سيده أو تلف يسار أو ترد على نفس الشارع اللي ياي منه ( المخرج 4)

    النظام 2 : بعض الدوارات مثل دوار الجبل اللي في المويجعي اللي عند البيتزا :

    . المسار الأول (أفصى اليسار) تقدر تلف يمين أو تروح سيده.
    2. المسار الثاني ( الوسط ) سيده أو يسار.
    3. المسار الثالث (أقصى اليمين ) تلف يسار أو ترد على نفس الشارع اللي ياي منه ( المخرج 4) فقط.

    ولكن هذا النظام الثاني نادر ما تحصله في الدوارات عندنا في العين وأغلب الدوارات اللي عندنا تعمل بالنظام الأول.

    وانا استوالي حادث على الدوار علشان جذيه تعلمنا خلاص لازم تطالع الأسهم اللي قبل كل دوار قبل ما تدخله والإ الكل بخبص وهذا هو الشائع الحين ( التخبيص والكل على هواه) … وهذا استوى قدامي …. واحد ماسك المسار الأول ( أقصى اليسار ) ويبا يسير يسار. لا حول ولا قوة إلا بالله
    والدنيا بخير عندهم و يوم تدعمه عادي يقول انته الغلطان….

    الحمدلله على كل حال ….. وارجو ان شرحي كان وافي وواضح

    والله أعلم.

  2. قصير العين وlimitless88

    انتم تتفقون معي في رايي بالضبط ولا خلاف ابداً بيني وبينكم

    ولاكن البعض عنده ان المسار الاوسط يكون حر ويقدر ياخذ يمين ويسار وسيده وقالي واحد من الربع ان هذا القانون يعلمونه في مدارس التعليم في الفجيره

    لازلت انتظر رد من احد رجال المرور ليقول كلمته في الموضوع فنحن اختلفنا وللقاضي كلمته في الخلاف*

  3. منطقيا و اللي تعلمناه ايام زمان وايام الجير العادي و التفحيط ريوس جدام بالكرسيدا

    انه المسار الاول لليمين فقط ولكن يستطيع الذهاب الى المخرج الثاني اللي هو سيده

    المسار الثاني فقط فقط للسيده ، لكن لو دالدوار فاضي يقدر يروح يسار مع ضرب اشاره ( هذه اسويها )

    الثالث يروح سيده و يسار ويلف ويرجع من نفس الخط اللي جيت منه ( وهذا اللي احبه بس بشرط السرعه في الخروج من الدوار في حالة مسار اليسار و المخرج سيده و الاشاره الصفراء ضروريه لايتهور هندي ويلف الدوار كله على الخط الاوسط )

    هذا اللي نطبقه و الحمد الله

    بس نصيحه لاحظت هالايام الناس تمسك خط الوسط وتلفا الدوار للمخرج الثالث ( يسار ) لازم تنتبهوا لهم وتحس فيه قبل لايسوي فعلته يا تخفف سرعتك ويخطف من جدامك يا تلف وياه الدوار لين ما سيادته يخلص لفته لليسار

    وسلمتم

  4. الموضوع صراحة يدوخ يمين يسار فوق تحت ويبغيله تعمل دوار وتييب عده سيارات من العاب الصغارية وتمثيل الحالة

    الحمودي

    حادثك هذا مثل الي كان بيسير لربيعنا بالضبط والحمد لله تجنبوا الحادث وانا قلتله انت غلطان وان اشوف انك انت غلطان بعد وان بختصر الموضوع وبحدد المخارج في ثلاث نقاط وابغى حد يعلمني ان صح او غلط

    1-المسار اليمين يسمح بالف يمين مخرج رقم واحد وتكملة المسار سيده
    2- المسار الوسط يسمح فقط بالذهاب سيده على طول الطريق المخرج رقم 2 وعدم الالتفاف يمين ويسار
    3- المسار الايسر يسمح بالذهاب سيده مخرج رقم يسار ويسمح بالف يسار مخرج رقم 3 ويسمح بالدوران إلى المخرج رقم 4

    هذا القانون موجود في انجلترا واعتقد انه اسهل قانون. اللي في الوسط فقط له طريق واحد وهو الامام. اللي عاليمين يقدر يلف او يكمل الى الامام. واللي عاليسار يلف يسار او يكمل للامام.

    لو كنت في شارع سريع هايوي وانت على الخط السريع اقصى اليسار وجاك دوار اكيد بتمسك الخط اليسار وبتكمل الى الامام .

  5. مسار رقم 3 إن كان يقدر يروح على كل المخارج فهذا يسبب حوادث

    مثال

    لا يستطيع الذهاب إلى مخرج a أو B
    لا يستطع الذهاب إلى مخرج b لوجود سياره قادمة من مخرج a من مسار 1 او 2 إلى مخرج c

    لهشيء ان كان الشخص في مسار 3 وطلع إلى مخرج b وسبب حادث يكون عليه السبب

    انا لا اقول ان المسار 3 سالك لكل المخارج فالمخرج a مستحيل يخرجه والمسموح هو مخارج b وc و d وبخصوص السياره القادمة من مسار a

    السيارات التي في مسار A ممنوع يدخل الدوار وكانت في سياره في الدوار بغض النظر عن مسارها واتجاهها لان معرف الاولوية للذي في الدوار

    إذاً انا في المسار 3 واريد اذهب b ان مطمن من المسار واحد والمسار الثاني انهم ممنوع عليهم الانعطاف يسار لمخرج c
    والقادمين من a و b ممنوع عليهم يدخلون الدوار وانا في الدوار إذا الطريق سالك لي لمخرج b

Comments are closed.