فلان عنده واسطه..!!!! خلونا نفهمها..كيييف؟؟؟؟

29 thoughts on “فلان عنده واسطه..!!!! خلونا نفهمها..كيييف؟؟؟؟”

1. والله سووا نفسي دائما حطوا بنيتكم هذا الشي وراح تتوفقون….

   واسطتكم الله ومافي اقوى واحسن منها بس على الانسان انه يسعى ويكون جدير بالشي اللي راح يطالب فيه ومن بعدها ربه لابد انه بيوفقه عاجلا ام آجلا…

   ولكل مجتهد نصيب….

2. قال تعالى: ( فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا ) 0

   مراااحب طويل العمر…….
   أسلوبك رائع…يكفي بأنك أستخدمت أسلوب…
   وذكر….
   تسلم…..أسعدني مرورك.

3. ظبيانية وبس

   ما شاء الله .. كل مره موضوع أحلى عن الثاني .. وإن شاء الله المواضيع هذه نجني منها الثمار وبارك الله فيج الغالية ..

   (والله هذا مب مجرد كلام ولكن مبدأ تعلمته من الحياه ومن الوالد رحمة الله عليه…اذا لنا حق ناخذه من انفسنا ومب من خلال غيرنا)

   الدرمكي 77 .. كلام جميل سطرته وحركة حلوة .. والله يوفقك إن شاء الله ..

   وأنا تقريبا نفسك ..

   أنا كنت اشتغل بس لظروف قدمت استقالتي من اسبوعين تقريبا وقبل ما اقدم الاستقالة كنت ادور على وظيفة ثانية وتقريبا صارلي سنتين أدور مع أن عندي من الأهل والمعارف لهم مناصب ومعارف من المدراء .. بس قلت No للواسطة ..

   والحمد لله في النهاية بفضل ربي أولاً وجهودي في المحاولات اللي ما يأست من وراها حصلت الوظيفة واليوم اتصلو فيني وخبروني بالوظيفة اليديدة وجان استانس ..

   فديتج غناتي…يا عشق القصيد..
   مرورج أثلج صدري….وأشوف منج دائما التشجيع والتحفيز…فديت خشمج..
   غناتي…ترا أنا شراتج..مستقيلة من وظيفتي…والحين يالسة من سنه..ومن 6شهور..أقدم على الوظيفة..لكن لا جدوى…
   وأأمن بأمر النصيب والرزق..تدخل واحد من الأهل ذو منصب رفيع ..عسب يوظفني..لكن ما كان لي نصيب..سبحان الله…رزق هب لي…
   والحين إن شالله …متأملةبوظيفة ..الله ييسر لي فيها وللجميع…
   ولك ودي…..

4. الواسطه……

   اذكر قرأت كتاب لوزير سعودي سابق…في جمله بما معناها كانت موجوده بالكتاب….

   ببعض الاحيان حبة خشم تخلصلك معاملات كثيره وتكسر المركزيه والروتين القاتل..!!!!

   يعني يوم تعرف فلان وعلان وهذي المعامله فيها اجراءات روتينيه معقده ومالها داعي وانت تعرف السؤول بس ماعليك الا انك توايهه وتكلمه او حتى لو ماتعرفه بحكم العادات والتقاليد والحياه القبليه اللي نعيشها ممكن ان نخلص هذي المعامله باقصر الطرق عن طريق الكلام وطلبتك وماتردني…الخ من هذي الاساليب…!!!!!

   الاهم ان ما ناخذ حق حد ولا نضر حد…

   عن نفسي انا ضد الواسطه…لان بكل بساطه لو كل انسان اجتهد ودرس وثابر وبالاخير ما حصل التقدير والترقيه بحياته العمليه بيتولد حقد داخلي وحسد ليش فلان ترقى وهو عنده مؤهلات علميه اقل من موهلاتي وانا ثابرت واجتهدت وقدمت لعملي كل شي وهو خذاها جاهزه مجهزه فقط لانه عنده واسطه…!!!!!

   طبعا ممكن احط امثله لبعض الوزراء وومدراء دوائر وهيئات كثر عندنا…والله اعرفهم بشكل شخصي واقولكم كل واحد كيف وصل لمنصبه ويمكن تستغربون والله العظيم بس المشاركه راح تنحذف او تتعدل….

   تصدقون يا اخواني الكرام والله العظيم من كم يوم رايح بوظبي عشان اعبأ الاوراق الخاصه بالوظيفه وعطوني الاوراق الخاصه بالامن في فقره عن الاقارب واسماءهم اللي يعملون بدوائر ابوظبي الحكوميه فقلت للموظف ماعندي حد يشتغل بأي من دوائر ابوظبي ابدا…!!!!!

   قالي ابدا ابدا قلتله ابدا ماعرف حد ولا يشتغل حد عندنا بالحكومه وكلهم بالجيش او بالشرطه قالي نبغى دوائر رسميه اهلك درجه اولى ودرجه ثانيه ولازم تعبيهن كلهن لان الاوراق راح ترجع اذا في نقص…والله يلست وايد افكر منو احط منو احط وانا من اهلي عضو مجلس تنفيذي ومدير هيئه ووكيل دائره حيويه ببوظبي والثالث مدير ووكيل الديوان..الخ والله يا اخواني حتى بالؤسسه اللي كنت يالس اعبئ اوراقها وبتوظف فيها نسيبي وولد عمتي عضو مجلس ادارتها بالمقابله حتى سألوني اللجنه عندك حد بالمؤسسه قلتلهم لا واعتمدت ع نفسي…وما حطيت اي واحد فيهم عشان نظرتهم ماتتغير لي…

   بالاخير حطيت بالاستماره اسماء ناس صغار بالسن وماعندهم اي وظيفه او منصب…؟؟!!!!!

   (والله هذا مب مجرد كلام ولكن مبدأ تعلمته من الحياه ومن الوالد رحمة الله عليه…اذا لنا حق ناخذه من انفسنا ومب من خلال غيرنا)

   والشكر موصول للاخت صاحبه الموضوع وكثري من هذي المواضيع….بارك الله فيج

   هالله هالله يالدرمكي..ما شاالله..تبارك الله..وفيت وكفيت..
   ما شاالله عقلية مفكرة..ورؤيه راجحة ….ومنطق سليم..
   الله يوفقك …وإن شالله الله يكتب لك الوظيفة اللي تناسب مستواك..
   أسعدني مرورك….والطرح الرائع….الله يحفظكم يا عيال البلاد.

Comments are closed.