فزعتكم يا أصحاب الفتكات والفورويل بشكل عام ..

11 thoughts on “فزعتكم يا أصحاب الفتكات والفورويل بشكل عام ..”

1. اخويه حط كمبيوتر 2002 _2003 ويوني جب…

   بيكون نقعاته عاديه .. اذا بتزيده فلتر وهيدرز يباله برمجه ثانيه..

   الكمبيوتر فدبي يبيعنه 2200 عند سكراب سمكا..

   واليوني جيب عند قاسم 3300 يديد وصعب تحصل مستعمل..
   وفي واحد فالعين يركبه ويبرمج 3300 ..

   ونفس ماتقل عن البق فير ماعرف عنه.

   والسموحه..

2. وأنا شراتك يالغالي أمووووت على الفتكات والله فتك وراء فتك أخذ بس المشكله مايتحمل الخط الطويل على طول يروح الهيد يا vtv_ad
   بس يالبطران تراء الكمبيوتر مال الوكاله مب غالي لهذي الدرجه لا يقصون عليك هل السكاريب أو الكرهبائيين إذا تبغي كمبيوتر الوكاله بتحصله على 1500 إلى 1800 بالكثير بتحصلهن عن السكاريب العين في الصناعيه أو عند كرهبائي سالم سعيد أو عن فني الخليج.
   والسمووووحه يالغالي

3. ياخوي القصه مب قصة كمبيوتر ………و كمبيوتر 2003 بين كل 20 كتوف بينقعلك نقعه وحده …. اسمع الخلطه من اخوك لان هالسوالف تمشي في دمي ….

   النقعه يبالها كمبيوتر يفتحلك Rpm لان الكتوف في الفتك لين ال 5500 تقريبا و الكمبيوتر بيفتلحك الريس لين ما تقول بس ……. بس مكينة الفتك تستحمل الريس لين 5700 بدون اويل بمب …… و اذا بتركب اويل بمب بيستحمل لين 6200 اذا المكينه وكاله مب ستروكر ….. نصيحه من اخوك و اذا ما تبا تخسر وايد …… ركب يوني جب مع قطعة الا Rpm و ركب اويل بمب و افتح الريس لين ال 5800 و يبالها برمجه حلوه طبعا و اليوني جب معروف انه بن عمر هو دكتور اليوني جب و برمجته …….. و ثاني شي اليوني جب يخفلك من صرفية البترول و يثبتلك فرت الديلكو لان الفتك ما يثبت الديلكو فيه الا بكمبيوتر غير عن كمبيوتر الوكالة

   هذي نبذه بسيطه و اذا تبا اي شي فااااااااااااااااااااااااااااااااااااااااااااااااا ااااااااااااالك طيب

4. الغالي التفه غير والنقعه غير…
   إذا بغيت يتف غير الكمبيوتر 2002 , 2003
   أو بغيته ينقع ركب يوني جب بو نقعه أو كمبيوتر متك
   والسموحه

5. غير الكمبيوتر نفس الشباب

Comments are closed.