الموضوع هذا يمكن يثير حفيظة البعض و لكن هالشي قاهرني و اذا انا ما برمس و غيري ما بيرمس عيل منو بيرمس؟
المكان = فستفال سنتر دبي
الكوفي شوب = بتيل
المحل المقابل = لاسنزا لملابس النساء الداخليه
طبعا لان فستفال قريب من مكان سكني..كل فتره اسير.. و احيانا اكثر عن مره اسبوعيا…
ملاحظاتي = نفس الشباب دوم في الكوفي شوب و عيونهم مبحلقه في المحل النسائي المجابل
في المقابل المحل النسائي متروووس بنات و حريم و مكانه صدق مكشووف و الاضائه الحلوه ..و الوحده يوم تشل قطعه في يديها..الشباب يشوفون من بعد ميل شو اختارت و اي لوون!!!
ليش كتبت الموضوع : كنت اتحرطم على واحد من اخواني ” لا تستغربون اخواني و لله الحمد واعين و متفهمين و نقدر نرمس في اي موضوع مهما كان”
قال انه يعرف واحد ” مب ربيعه بس يعرفه” هذا من رواد الكوفي المذكور..و كل يوم يسير له..و احلى حظ يكون في الايام اللي يلقى مكان فاضي في اول طاوله مجابله المحل المذكور!
مب قادره استوعب شو المغزى من اليلسه هاي! ريال ولد عرب و قبايل و يعرف المذهب ما بيداوم في الكوفي يوميا بس بسبب المحل المجابل!
و بالنسبه للبنات..ما يحلالهم الشوبنج الا في هالمحل مع ان وايد محلات ملابس نسائيه في فستفال و مستووره..بس حلاته يوم تشل القطع في يديها و توقف مجابله الباب..يلا شوفوا ذوقي حلو!!!
الموهيم لولا الحيااااء و لولا حشيمتكم جان خضت في الموضوع و شرقت و غربت..بس اتمنى ان الفكره تكون وصلت
و في النهايه التوضيح = الغلط يقع على المول نفسه و على شباب الكوفي هذا و على البنات اللي يتشروون من المحل بدون اي اعتبار للي مبقق عينه برع يطالعهم! عشان تعرفون اني ما ادافع عن اي حد منهم..الغلط يقع عليهم جميع …
و انا شخصيا خليت ربيعتي تدق للفستفال تشتكي عن هالامر..و قامو يستهبلون و يسوون عمارهم مب فاهمين..
اتمنى من الجميع باجر رفع سماعة التلفون و الاتصال بالمووول .. لان يد وحده ما تصفق و اتمنى منكم المساعده في هذا الامر..و ان شاء الله يتخذون اجراء سريع يوم بيشوفون خلق الله هابين فيهم ..لان مهما كان نحن عرب و مسلمين و ما نرضى بهالمصاخه اللي ياسه تستوي و اغلب ابطالها و بطلاتها من البلاد بعد..يتحرون محد منتبه لهم و لا يدريبهم!!
و اللي يشك في كلامي هكو فستفال..سيرو على الاقل يومين او 3 ايام ورا بعض بتعرفون عن شو بالضبط انا اتكلم..خصوصا الوجوه المكرره .. و وين العيون مسنتره!
و سامحوووووني 
انا اتفق مع الاخوان والاخوات اللي يقولون محل الملابس الداخلية لازم يتغطى..
واللي يبى يشتري يدخل ويشوف واذا ما عيبه شي يطلع..
================
عندي تعليق بسيط بالنسبة للي يدخل مع اهله مثل هالمحلات..
أنا انصح الواحد ماايدخل مع اهله نفس هالمحلات يبيعون فيها رياييل…لان عيب الريال يعرف شو نشتري ..واللي نشتريه …!!
وبالنسبة لي…اشوف الواحد يدخل المحلات اذا كانوا البائعين حريم..ويدخل المحل اذا ماكانوا زبائن غيره عشان يختار مع اهله ^_*….اما اذا شي زبائن غيره يطلع عشان الوحده تاخذ راحتها..
قلت حيا من الطرفين الشباب المرضى النفسيين الي الكوفي
والبنات والي يستعرضون ملابسهم الداخلية قدام العالم والناس
المهم الي يدور الستر يلقاه في كل مكان و زمان
الحمدلله اني في ناس استنكرت الموضوع الي حاصل في فستيفال
اتصلو على المحل وقولوه اذا ماحطيت حاجز مثلا او ورق يضلل الجامات بحيث انه الي برع ما يشوف ما بندخل محلك وبنقاطعك .. وبننشر موضوعك في البي بي بعد ..
اما الشي الثاني ف 90 % من محلات الحريم بشكل عام و المحلات الي انتي تتطرينها بشكل خاص .. لزم يكون احذالها كوفي ولا يلسه .. ليش ؟ الله اعلم
الحل عندي
مقاطعة الملابس الداخلية الاجنبية
والرجوع
الي