السلام عليكم ورحمة الله
وش احوالكم ياهل الكرم والطيب
انا ناوي اشتري سيارة من الامارات ان شالله وحبيت اسال:
من وين اشتري السيارة من ابوطبي والا دبي والا …؟؟
الله لا يهينكم ابغاكم تدلوني عالمكان اللي اسعاره حلوة
بالعلم اني باشتري كرايسلر 2006 باذن الله
وبرضو حبيت اسأل كيف الاجراءات وكم يوم اجلس عشان يمديني اشتري سيارة؟؟
العذر والسموحة ياخوان طولت عليكم ,,, الله يرفع قدركم ويجزاكم خير
مر على معارض عيماان
موفق بإذن الله … لك مني أجمل تحية .
الله يوفقك انشالله… بس من رايي انك اتدور هالسياره في المواقع الاماراتيه بالاول وتتعرف على الاسعار قبل ما اتي
لان اصحاب المعارض مع احترامي لهم قصابين وخاصه لو عرفو انك من السعوديه بيزيدون بالسعر
تحياتي لك ومرحبا بك في بلادك
بس لما اخلص الاجراءات من الامارات اشوف انه احسن من الناحية “المادية”
لو كملت اجراءاتي بنفسي من الجمارك السعودية ومسكت فيها خط الى الرياض
صح انها بتجيني مرمطه على كيف كيفك بس ان شالله تتيسر ,.
ما انصحك بعجمان الشيخ . انت اذا حصلت سيارة سوي التالي . انا سويتها لواحد الجماعة من السعودية
بعد ما تاخذ و تفحص السيارة . وتاخذ المقاصة و تطلع ورقة التصدير من المرور . سوي توكيل لشركة نقل
(انا سويتها للبسامي) على اساس يخلصون لك المعاملات الجمركية و يوصلونها لك و فك عمرك من زحمة البطحا . النقل بيكلف 1000 ريال للرياض .
جرب المواقع هذي يمكن تتوفق
GNAds4U.com – Wheels
او
Dubizzle.com – Abu Dhabi – Search Results