السلام عليكم ورحمة الله

وش احوالكم ياهل الكرم والطيب

انا ناوي اشتري سيارة من الامارات ان شالله وحبيت اسال:

من وين اشتري السيارة من ابوطبي والا دبي والا …؟؟

الله لا يهينكم ابغاكم تدلوني عالمكان اللي اسعاره حلوة

بالعلم اني باشتري كرايسلر 2006 باذن الله

وبرضو حبيت اسأل كيف الاجراءات وكم يوم اجلس عشان يمديني اشتري سيارة؟؟

العذر والسموحة ياخوان طولت عليكم ,,, الله يرفع قدركم ويجزاكم خير

19 thoughts on “عندي استفسار وابغى جواب يااهل الامارات الله لايهينكم ,,”

  1. تعال عجمان بتحصل ارخص

    ارخص من دبي والشارقة؟؟

    كم تبعد عجمان عن دبي؟؟

    مشكور اخوي فهد يونس وماقصرت

  3. الف الف شكر لك اخوي kakashi-san

    هذا والله اللي كنت ابغى اعرفه وعرفته بالتفاصيل الله يعطيك العافيه

    بس بخصوص ورقة المقاصه سمعت اني لو اخذتها بتعفيني من الجمارك اللي هي 5% من سعر السياره فمادري المعلومه هذي صح والا؟؟

    ولو شريتها وانا فالسعودية بأرتاح من اجراءات الجمارك السعودية؟؟

    واشكرك مره ثانيه يطولي في عمرك

  4. السلام عليكم ..

    اذا بغيت تشتري سيارة من اللامارات وتصدرها الى السعودية ..

    – تفحص السيارة في حدود 300 درهم
    – تاخذ ملكيه جديدة مع لوحة تصدير تبدأ من 200 درهم وتوصل الى 700 درهم < حسب الاماره
    – المقاصه ، هذا لما تاخذ السيارة من معرض يسوي لك مقاصه بـ 150 درهم ،

    وصلنا للجمارك

    – 150 درهم للتخليص
    – 100 قيمة لوحات على ما اذكر
    – حدود 2500 ريال قيمة الجمرك ،

    هنا انت راح تكره نفسك ، لانك عشت جو حلو بالامارات ومعامله زي العسل ،
    وللأسف من توصل الجمارك ، كل واحد يحطك على الثاني ، غير الوقت اللي بتجلسه !!!! يوصل الى يوم ثاني ، عادي عندهم

    خلصنا اللحين من الجمارك ..

    – 300 ريال قيمة المواصفات والمقااييس والمعايير ، تسويها عند الميناء ، الدمام ، الرياض ( ميناء الجاف ) ، جدة
    اذا كان في السيارة اي شيء لا يطابق المواصفات السعودية ، راح تضطر انك تغيره على حسابك حتى تتطابق المواصفات ..

    تسدد قيمة 300 عن طريق الصراف الى حساب المواصفات والمقااييس ،
    تسجل بياناتِك في الانترنت ،
    تطلع لهم والله يعينك على اخلاقهم ، تروح الساعة 10 الصبح ، ما تطلع الا الساعة 1ونص الظهر

    تروح للميناء او لجسر البحرين < اقرب جمرك وتاخذ لك الورقة الجمركيه ..

    خلصنا اللحين من المقاايس

    – تروح للمرور 250 ريال ، قلب ملكية بالمرور
    – 100 ريال للوحات
    – فحص دوري 73 ريال
    – تأمين ، أقل واحد بـ 350 ريال ..

    ،،

    وهنا خلاص صارت سيارتِك سعودية 100%

    يعني تقريباً يبي لك غير سعر السيارة حدود 3000 – 4500 ريال تدفعها عشان تصير سيارتِك سعودية

Comments are closed.