مرحبا صبايا و شباب
مساكم الله بالخير
اليوم يايه ابا ارمس عن موضوع حساس شوي
و الموضوع هذا مب للتشهير و لا انه نسوي دعايه
و لكن انا استنكر
نعم يا جماعة الخير دبي بيبي تستنكر جدا جدا بعد
البارحه يالسه في عرس و اسمع الحريم يرمسن عن مسج ام ام اس مسوي ضجه في البلاد
اللي هو وحده مسويه شكل علم الامارات بالملابس الداخليه و مصورتنه << اسفه على الشرح !!!
انا بققت عيوني…دقيقه و الا وصلني المسج و شفته
شفت بعيني محدش قااالي
ادري ان بعض البنات الفارطات بيستانسون و بيتشجعون..و بعض الشباب الصيع بيعيبهم و يهللون لصاحبة الفكره
لكن يحز في نفسي اني امارتيه اشوف ناس هل البلاد ينحدرون لها المستوى القذر
هذا علم اماراتي و ما عاش اللي يهينه ..علم الامارات قدره عالي في قلوبنا و فوق روسنا
و اطالب هيئة الاتصالات ببذل اقى جهودها عشان يعرفون مصدر هالصوره و ما يتهاونون بعقاب هالشخص اللي نزل مستوى علم اماراتنا الى مستوى الملابس الداخليه !!
رجاء اتمنى اشوف تواقيعكم في هذا الموضوع للمطالبه بالبحث عن هذا الشخص و معاقبته
مسموح نقل الموضوع
الله
الوطن
رئيس الدولة
علم الامارات فوق الراس والي يسيئ له يسئ للخليج كله
الحياء نقطه ………على قولة الاولين ………ان راحت خلاص
انا ما اظن انه الي سوى هذا الشي مواطن!!!!!!!!!!
الله المستعان