مرحبا صبايا و شباب
مساكم الله بالخير
اليوم يايه ابا ارمس عن موضوع حساس شوي
و الموضوع هذا مب للتشهير و لا انه نسوي دعايه
و لكن انا استنكر
نعم يا جماعة الخير دبي بيبي تستنكر جدا جدا بعد
البارحه يالسه في عرس و اسمع الحريم يرمسن عن مسج ام ام اس مسوي ضجه في البلاد
اللي هو وحده مسويه شكل علم الامارات بالملابس الداخليه و مصورتنه << اسفه على الشرح !!!
انا بققت عيوني…دقيقه و الا وصلني المسج و شفته
شفت بعيني محدش قااالي
ادري ان بعض البنات الفارطات بيستانسون و بيتشجعون..و بعض الشباب الصيع بيعيبهم و يهللون لصاحبة الفكره
لكن يحز في نفسي اني امارتيه اشوف ناس هل البلاد ينحدرون لها المستوى القذر
هذا علم اماراتي و ما عاش اللي يهينه ..علم الامارات قدره عالي في قلوبنا و فوق روسنا
و اطالب هيئة الاتصالات ببذل اقى جهودها عشان يعرفون مصدر هالصوره و ما يتهاونون بعقاب هالشخص اللي نزل مستوى علم اماراتنا الى مستوى الملابس الداخليه !!
رجاء اتمنى اشوف تواقيعكم في هذا الموضوع للمطالبه بالبحث عن هذا الشخص و معاقبته
مسموح نقل الموضوع
الله يهدي الجميع
و اتمنى معاقبة الفاعل شو ما يكون
هذا من طيب اصلج الغاليه
و اتمنى رسالتنا توصل
بان هالشي ما يرضينا و ما بنسكت له
اليوم نسكت عن هالشي باجر ما تدرون شو بيسوون
الله العالم اخوي و لا تستبعد شي
لو تدخل بعض مواقع الصور و ما بقول الاسامي منعا للدعايه بتشووف المناكر من بنات البلاد..اللي تصور جزء من جسمها و اللي و اللي
صح سكرو الفلكر و افتكينا من شره و لكن في غيره وايد مواقع فيهم بلاوي
و الله يهدي الجميع
يختي ما ايوز لي اشوف الغلط و اسكت
لازم نرمس و نعبر عن مشاعرنا المكبوووته
الله يهديهم و اتمنى ما يمر الموضوع مرور الكرام