مرحبا صبايا و شباب
مساكم الله بالخير
اليوم يايه ابا ارمس عن موضوع حساس شوي
و الموضوع هذا مب للتشهير و لا انه نسوي دعايه
و لكن انا استنكر
نعم يا جماعة الخير دبي بيبي تستنكر جدا جدا بعد
البارحه يالسه في عرس و اسمع الحريم يرمسن عن مسج ام ام اس مسوي ضجه في البلاد
اللي هو وحده مسويه شكل علم الامارات بالملابس الداخليه و مصورتنه << اسفه على الشرح !!!
انا بققت عيوني…دقيقه و الا وصلني المسج و شفته
شفت بعيني محدش قااالي
ادري ان بعض البنات الفارطات بيستانسون و بيتشجعون..و بعض الشباب الصيع بيعيبهم و يهللون لصاحبة الفكره
لكن يحز في نفسي اني امارتيه اشوف ناس هل البلاد ينحدرون لها المستوى القذر
هذا علم اماراتي و ما عاش اللي يهينه ..علم الامارات قدره عالي في قلوبنا و فوق روسنا
و اطالب هيئة الاتصالات ببذل اقى جهودها عشان يعرفون مصدر هالصوره و ما يتهاونون بعقاب هالشخص اللي نزل مستوى علم اماراتنا الى مستوى الملابس الداخليه !!
رجاء اتمنى اشوف تواقيعكم في هذا الموضوع للمطالبه بالبحث عن هذا الشخص و معاقبته
مسموح نقل الموضوع
صدقت اخوي
و تسلم على المرور
هيه والله عيب
صوره مب حلوه و لا حضاريه عن بلادنا و شعبنا
صادووووووووه
شفتيني و ما ييتي تسلمين افاااااااااااااااااااا يا قوافي افااااااااااااااا ما هجيتها منج لوووول
كل شي جايز و اتمنى صاحب الفكره يلقى العقاب عشان يكون عبره لغيره
تسلمين الغاليه و اتمنى رسالتنا توصل لاصحاب الشان