عندي ألم شديد في الرجل و قالولي انه السبب ديسك في الظهر و هذا الديسك محرك الفقرات وبادية اتأثر على أعصاب الرجل يعني صراحة من غرفتي لين المطبخ ما أقدر أمشي ، تقريبا سويت كل شي علاج طبيعي و مساج بس ما في فايدة، حد عنده فكره عن دكتور زين للعلاج هني في دبي ؟ لاني صراحة مستعدة أجرب أي شي، و صراحة أفكر أسير ألمانيا بس في حده عنده فكره عن مستشفى زين في ألمانيا ….بكون شاكره لكم اذا حد عطاني أي معلومات

38 thoughts on “علاج الديسك في ألمانيا”

  1. السلام عليكم ورحمة الله وبركاته

    في عياده في ابوظبي اســـمها kkt تقريبا على شـــارع بينونه المؤدي الى قصر الامارات

    دكتور عمر العامري ,, عنده جهاز من اختراع باكستاني ,, يعالج بدون عمليات جراحيه

    ممكن تتصلين على 181 و تاخذين رقمهم و تتصلين عليهم و استفسري اذا علاج الدسك موجود عندهم

    و بخصوص علاج الاوزون متوفر في الهند

    الله يشـــفيج و اجر و عافيه ان شاءالله

  2. إبن عمي عمل عملية الديسك في نص شهر ديسمبر في مستشفى الامارات للجراحة العصبية بدبي عند الدكتور عبدالكريم والآن يمشي ويتحرك وكل شيئ على أحسن مايكون

    تمنياتي لك بالشفاء

  4. .
    .

    سلامتج ابوي وما تشوفين شر ان شاء الله

    الدسك الله المستعان منه يخلي الواحد عاجز ولو كان شباب

    أنا رجل كبير بس الدسك ملازمني من سنين في فقرتين والألم لا يطاق

    ممكن التمارين والسباحه تفيد في الحالآت البسيطه بس ما تشفي

    والمسكنات حل مؤقت حتى يزول مفعولها ويرد الألم من جديد

    أما في مثل حالتك فالحل الوحيد هو العملية الجراحية حيث أن الفقرات

    تقوم بالضغط على الأعصاب اللي تمر من بينها نزولا من أعلى الرقبة الى أسفل الظهر

    نزولا على الرجلين الى أسفل القدم وهذا ما يسبب الألم لك من أثر الضغط على الأعصاب

    لو مانت الحاله خفيفه الواحد بتحمل لأنه ما يحب يخاطر أما اذا كانت متقدمه فهنا تجب العملية

    شفانا الله واياك وسائر المسلمين

    عشان جذيه أنا كنت أبحث عن طرق للعلاج غير العملية و الله المستعان…بس الخوف انه العملية هاي تضغط على الأعصاب و الحبل الشوكي يعني أي غلطة ممكن الواحد يصيبه شلل

  5. .
    .

    سلامتج ابوي وما تشوفين شر ان شاء الله

    الدسك الله المستعان منه يخلي الواحد عاجز ولو كان شباب

    أنا رجل كبير بس الدسك ملازمني من سنين في فقرتين والألم لا يطاق

    ممكن التمارين والسباحه تفيد في الحالآت البسيطه بس ما تشفي

    والمسكنات حل مؤقت حتى يزول مفعولها ويرد الألم من جديد

    أما في مثل حالتك فالحل الوحيد هو العملية الجراحية حيث أن الفقرات

    تقوم بالضغط على الأعصاب اللي تمر من بينها نزولا من أعلى الرقبة الى أسفل الظهر

    نزولا على الرجلين الى أسفل القدم وهذا ما يسبب الألم لك من أثر الضغط على الأعصاب

    لو مانت الحاله خفيفه الواحد بتحمل لأنه ما يحب يخاطر أما اذا كانت متقدمه فهنا تجب العملية

    شفانا الله واياك وسائر المسلمين

Comments are closed.