هام ومستعجل
مطلوب خريجات لشغر عدة مناصب في احدى الشركات الكبيره في مدينه ابوظبي
الجنسيه : لبنانيات, سوريات, اردنيات
التخصص : Management – Finance – Marketing – Advertising – Human Resource
حسن المظهر واللباقه ..
الراتب : 10,000 درهم
يرجى ارسال السيره الذاتيه على ايميل :
jawhar.mohd@gmail.com
والله يا أختي أنا أداوم بمكان حكوم حساس ومخصخصين بعض خدماتنا للأجانب وتخيلي عشان التوطين جبرنا هالأجانب يوظفون عيال البلاد وكانوا حاطين راتب تعيس ولهذا السبب الشباب كانوا عازفين عن هذي الوظيفة وتخيلي منو تقدم للوظيفة ؟؟؟ وسط مئة ريال ؟؟؟ كل اللي تقدمن للوظيفة حريم والله يعلم بحالهم والبطالة .. وياني مدير الشركة يقولي شو رأيك نقبلها ولا نرفضها ؟؟؟ لأنه مستحيل وحدة تداوم وسط مائة واحد ؟؟ ولكني طلبت منه ما يرفض هذي البنت ويعطيها هذي الوظيفة ما دام البنت مؤهلة وعندها شهادات وموافقة على الراتب وعلى الدوام لين الساعة 4 العصر.
المهم أنا هني ما أداع عن حد بس يقول المثل شو جابرك على المر ؟؟ غير الأمر منه .
والبطالة موجودة بالبلاد ومواطني الدولة أولى بوظائفها من الأجانب
سنوياً الدولة تصدر مليون وظيفة للخارج أليس من الأولى على الأقل محاربة البطالة ومن عق تصدير هذي الوظائف؟؟؟؟؟.
انا بخبرك اخوي …
الادارة مثل ما قلت لك في امور ما راح تقدر عليها بنت لابلاد من امور اداريه … انا اربيعتي متجنسه وهيه اداريه كل اسبوع لازم تضرب خط لين بوظبي والعين تخلص بعض الامور اللي المفروض المندوب يخلصها …
وان يوم طلبوا مني اني انا اسير اييبلهم ستين الف عذر وعذر مافيني اضرب خط .. الشغل ما راح يخلص..
الدنيا ما بتطير .. لكن هيه تسير وهيه تضحك بعد، مع انه تقدر ترفض فا عشان جيه اللي على سجيتهم يحطونهم في بعض الاماكن في الادارة …
اما المحاسبة اغلب المواطنات ما يحبن المحاسبه عا اساس انه الشغله مافيها ترقيات سريعه وطلعت والا نزلت تراها تسوي امور حسابية ويبالها دقه وبدون اخطاء وراح تتغرم ……الخ
التسويق يا اخوي صدق مثل ما قلت مش لازم يطلعون لكن تعرف انه في منتجات المفروض انك تيب الزبون بدون محسوبيات وانك تقول كاسر خاطري افلان وفلتان وماشاء الله نحن في كسر الخاطر ماشي احسن عنا .. وييبلي وحده ممكن تطلع وتسوق منتج !! او تصور له … تخبر عن التسويق عدل وبتلاحظ انها ويعت راس بس للي يحب الشغله ممكن يستحملها..
والمخاطبات تراه الها فن وطريقه انا لو قالولي خاطبي شركه او بنك بقولها عطوني نسخه عن الخطابات انته تقول الف بنت وبنت تبا الشغل لكن ييبلي من الالف عشر ان قدرت ..
وقسم التوظيف انا جد شرحت لك السبب .. انته يبالك حد يدخلك هاي الاماكن كلها عشان تتفهم الوضع ..
تراه اللي ايده في الماي مش مثل اللي ايده بالنار…..
راح تقبضك دوره وويع راس من مشاكل الموظفين ومسؤولياتهم …
وغيرتك ومدافعتك ما عليها كلام .. نحن بعد نغار عا خواتنا وما نرضالهم لكن في امور بالحياة ما تنحل ببلادي وببلادك لازم الواحد يتعب عشان يستاهل اللي راح ياخذه ويوصله …
واسمحلي ….
رمستك ما عليها اخلاف اخوي
بس انته ليش حاط عمرك انك تكون في ابلادهم …؟؟؟؟
عمار يا ابلادنا والله لا عازنا انا نتغرب ونشتغل في بلاد الغير….
ياخوي نحن ما وصلنا بعدنا المليون والبلاد محتاجه لمليونين ناهيك عن انه لاغلبيه ما ترضى باي شغله ما تكون في ايدينها مسؤوليه … والكاشير ما يباله لغه انجليزيه ومشكلة اعيالنا ماعندهم لغة انجليزيه موووووووووووول وما اقول الكل ولكن البعض …..
انزين انا بوفرلك عشر وظايف بالبنك قسم الاتصالات والاستعلامات لمواطنات وما عليك الا انك تدبرلي اياهم …..تقدر ؟؟؟؟؟؟؟
راح يطلعولك بست وستين علثه وعذر .. انا عن نفسي عيزت وياهم اقولهم انزين اقبلوا بالشغل وعقب اتشرطواااا …. ايدودنا يقولون اركب الهزيله لين توصل السمينه .. عيال ها الزمان ما يرضون الا بالسمينه …. شو نسويبهم ؟؟؟!!!!!!!!!!
ياما حاولنا يا اخوي وحاولنا يا ما يرضون بالراتب يا ما عندهم انجليزي يا ما يبغون افلان وافلان وياهم …يا المكان ما عايبهم … او انهم يقولولك نحن هنيه بس ماقت لين نلاقي مكان ثاني يعني احباط .. انته تفكر الهم وتدبر الهم وانك بترقيهم وهم ولا في الحسبه … شو تبا الواحد يسوي يلجأ لجنسيات ثانيه …