معقولة اعلامنا حتى المقروء هو اللي يشجع على الانحلال باسم الانفتاح والتطور؟؟؟
قبل فترة وبالذات فترة كاس الخليج اللي كان في دولة عمان
حد لاحظ ان الصحف كانت مركزة على الحضور النسائي
صور وحركات دلع من البنات وصور العيون
محد لاحظ انهم ماكانوا مركزين على الجمهور الباقي كانه محد حضر المباراة غير البنات
والتعليقات على الصور
انه الحضور النسائي كان مميز وله نكهة حلوة (الدعوة للمزيد بالحضور)
كانهم يشجعون على هالشي
وكان في برنامج على الهواء مباشرة ما اذكر كان في ابوظبي الرياضية او دبي الرياضية
استضاف مشجعة عمانية وبحرينية وضل المستضيف يمدح في حبهن لوطهن ومؤازرتهن لمنتخابتهن
حتى في المباراة المخرج مليون مرة يظهر البنات وهن في قمة تشجيعهن والمعلق يدعي بان هالشي يزيد ويشوف بنات اكثر في الملعب؟؟؟؟؟؟
هل صحيح هالشي يزيد من الوطنية ولا يفضح الدولة ؟؟؟؟
هل الحضور النسائي للمباريات حق لهن او استغلال الانفتاح الزايد للظهور في الاعلام والجرايد (طبعا المصورين يركزون على اللبس الاحلى وال ……… !!!!) ؟؟؟
هل الشي هذا مقبول ولو كانت البنت محتشمة انه تيي وتشجع في المدرجات؟؟
وحبيت افج شوي من ضيجتي وتشاركوني بآرائكم ؟؟؟
شكرا على المرور
ما عندهن شغلة ..
وعلى فكرة في بعض الاهالي بيقولون لك شو فيها .. البنت متسترة ويالسة ويا الحريم مب عند الرياييل
يعني الغلط من الاهل وتفكيرهم فكيف تبون البنات يصطلبن ..
بصراحة البنت مكانها فبيتها وبس بين عيالها واهلها .. حاشمة عمرها وحاشمة اهلها ..
واللي تسوي هالمنكر محد يقبلها ولا حد يرضى فيها الا بتيب الرمسة حق عمرها ..
الله المستعااان ..
وفي النهاية هاذا كله تحت مسمى (( حرية شخصية ))
تسلم عالموضوع الطيب =)