معقولة اعلامنا حتى المقروء هو اللي يشجع على الانحلال باسم الانفتاح والتطور؟؟؟
قبل فترة وبالذات فترة كاس الخليج اللي كان في دولة عمان
حد لاحظ ان الصحف كانت مركزة على الحضور النسائي
صور وحركات دلع من البنات وصور العيون
محد لاحظ انهم ماكانوا مركزين على الجمهور الباقي كانه محد حضر المباراة غير البنات
والتعليقات على الصور
انه الحضور النسائي كان مميز وله نكهة حلوة (الدعوة للمزيد بالحضور)
كانهم يشجعون على هالشي
وكان في برنامج على الهواء مباشرة ما اذكر كان في ابوظبي الرياضية او دبي الرياضية
استضاف مشجعة عمانية وبحرينية وضل المستضيف يمدح في حبهن لوطهن ومؤازرتهن لمنتخابتهن
حتى في المباراة المخرج مليون مرة يظهر البنات وهن في قمة تشجيعهن والمعلق يدعي بان هالشي يزيد ويشوف بنات اكثر في الملعب؟؟؟؟؟؟
هل صحيح هالشي يزيد من الوطنية ولا يفضح الدولة ؟؟؟؟
هل الحضور النسائي للمباريات حق لهن او استغلال الانفتاح الزايد للظهور في الاعلام والجرايد (طبعا المصورين يركزون على اللبس الاحلى وال ……… !!!!) ؟؟؟
هل الشي هذا مقبول ولو كانت البنت محتشمة انه تيي وتشجع في المدرجات؟؟
وحبيت افج شوي من ضيجتي وتشاركوني بآرائكم ؟؟؟
مستحيل بنت اصل وفصل تطلع وتشجع ها اللي عودونا وتربينا عليه وربونا اهالينا ع الحشمه والحمد الله
وين يبوووون !!
أصلاً البنات الي يسيرووون المدرجااات (حركاااااااااات )
يعني ليش ما يطالعون المباراه ف التلفزيووون ؟؟!!
شو الفرق يعني
لاحيا ولا مستحى
ما قول غير الله يستر من الأيام اليايه ..
الله يهديهم يارب ..
اذا كـــان رب الـبـيــت بـالـدف ضـــاربــــــــا
فـشـيـمـة اهــل الـبـيــت كــلــهـــم الـرقــــص
جزاك الله عني وعن بنات السعوديه العفيفات المحتشمات ألف خير
هالظواهر جديده على مجتمعنا الخليجي ولعل المناداه بحرية المرأه اللي ينادي بها البعض
جعلت المرأه تتمرد على فطرتها التي فطرت عليها وهي الحياء..
وللأسف فنحن في زمن فقد فيه الشباب غيرته وفقدت فيه الفتاة حياؤها..
كلامك 100% صح وهذا كان واضح والمشكله المصوور والمخرج يطلعوونهم ويسون لقات وياهم كأنه موضوع عادي؟؟؟؟
الله المستعاان!!!