طرشي صورتج عشآن اخطبج

49 thoughts on “طرشي صورتج عشآن اخطبج”

1. ال[size=”6″]جمال مب كل شي….
   أهم شي الاخلاق والاحترام….ومافي بأس لان الرؤيه الشرعيه تساعد الطرفين إنهم يقبلون بعض في معضم الاحيان…
   والزواج بقناعه وتفاهم الطرفين مب هذي حلوه وهذي خسفه….
   وبالاخير مافي بنت خسفه لازم فيها ميزه تغني عن جمال الشكل…..وحتى البنات يبون ريال حلو وظويل وجسمه شرات نجوم التلفزيون وخربطه وايده مالها داعي…
   والله يوفق الجميع….[/size]

2. السلام عليكم ورحمة من الله وبركاته ..

   والله يا اختي الصراحة أنا أشوف هالشي غلط !! والدليل .. اسألي الشخص اللي يطلب صورة كل وحدة يخطبها إذا كان هالشي يرضاه على وحده من خواته ولا لا ..

   الأمر الثاني ، يقدر يشوفها بالنظرة الشرعية جدام أهلها واخوانها ، وإذا حس بـلوم أو ما قدر يشوفها لأي ظرف كان ، يقدر يطرش أمه ولا خواته يشوفنها واييلسن ويا البنت وأهلها ..

   كلمة أخيرة : في هالزمن ، شكل وجمال البنت أو الريال لازم يكون الأولوية رقم 2 أو 3 للزواج ، والأولوية الأولى هي : الدين والأخلاق .

   والسموحة

   وعليكم السلام والرحمه

   اشوفه غلط ونص بعد بس المشكله التفكير تغيير ماستوى شراات اول
   كل شي صاار عادي
   هني المصيبه
   وعـ الامر الثاني هاللي اشررت عليه
   ريال مطلق عنده 6 عيال سألووه عن سبب طلاقه
   يقول ما شفتها عدل قبل العرس وما بغيتهاا ..
   عنبوو عقب هالسته فكرت اتقولها لا واطلق
   اهم شي يرتاح اذا شافها مهما كان جمالها واخلاقها مب يلف ويدور اوو يتلووم من الرد
   ومسموح اخويه ونتريا زيارتك الطيبه

3. احساس الشارجه انته ماشالله عليك مبدع فالتصوير

   خلهن يتصورن عندك قبل لا يطرشوله اي صوره ههههههههه

   انا ضد

   اذا ب يشوفها ومعزم ومب ياي يلعب يشوفها لمدة ثلاث ثواني من بعيد يعني اربع امتار اوكي

   خخخ

4. السموحة من صاحبة الموضوع و المشاركين، بس هذا أيام أول، الحين أغلب البنات صورهن في اللياسن، وبطاقة الهويه، وجواز السفر، و الأهم بطاقة العمل، و البعض من البنات يسولفن مع الشباب في العمل أو التليفون أو الشات أو الماسينجر أو المنتديات…
   و اللي يبا يشوف البنية بنية العرس من حقه يشوفها بأي و سيلة مشروعة دينيا، وهي لازم بعد تشوفه، و كرأي شخصي، النظرة ما تكفي، لابد من التعرف على الشخصية، و كذلك الاستخارة.

5. يحبسلها عن دوامها اذا كانت اتداوم و يشوفها عالطبيعة او حتى عند بيتها او الجامعة اذا كان صدق يهمه موضوع شكلها و بعدها يصلي الاستخارة و يتوكل على الله و ما خاب من استخار و بهالطريقه يحافظ على كرامتها اذا ما عجبه شكلها او حتى طريقة مشيتها

   مجرد راي شخصي

Comments are closed.